المجالس السعودية ® - عرض مشاركة واحدة

Abu Abdulaziz · 23-07-2008, 05:41 PM

*

*

|| رفــيجـي أنـت شـلون قـسيت عليـك وحآولـت أنسـآك ||

× امم وانـآ أدور في النقاش الجاد لقـيت موضوع لحمـودي

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

فـردنـي لموقـف حصـل معـي قبـل سنتين آنآ وآخوي أحب أوصفه بأخوي
لإنه صج أكثر من أخو بالنسبة لي رفيجي [[ نسختي

]] المهم كنـت في فتـرة مرت علي شوي صعبـة وكنـت بسهولة أتأثر بكلام من
حـولي مع أني انا عكس هالشيء مالقي لحجي الناس بال بس للاسف
مدري شلـون صدقت حجيهم وصدقت أن رفيجي وأخوي مممكن يسوي هالسواة
فيني ورحت له المسكين وقلت له للأسـف مآعدت أبي صحبتك ..!! أدري
وهذا كله مصالح عرفت أن صحبتي معك كلها مصلحة × مصلحة
آهو أش كان رد قآل :" والله يآعيسى توقعت هالسواة تيي من الكل إلا أنت ما توقعت
تيي وتقول لي مثل هالحجي انت أخوي لكن صج صدمتني " ومسكني مع قبة التي
شيرت وقالي لي بالحرف الواحد وكلمته ما أنساها " أنت موب جذي أصحى من الي
أنت فيه ..!! " وانا أعترف كنت في فترة كله غلط × غلط المهم فكيت أيدهـ ومشيت
وقعدت شهرين ما كلمه ولا أسلم عليه وبعدها ندمت وحسيت بغلطتي حاولت أني أكرهه
من بعد ما كنت أعزهـ معزه موب صآحيه حآولت أكرهه بس وربي مآ قدرت فبعد كل هالفترة
رحت بس ماحاجيته هو حاجيت أخـوه الي أصغر منه بس وآيد جريبين من بعض المهم كلمته
عن كل السالفة وقلت له وربي مالي ويه أحاجيه في هالموضوع وأخوه كلمه وتخيلو شكان رده
يآني أخو وقال " عيسى ، --- متعود إنه إذا أنت بغيت منه شي تييه وتكلمه فيه " وآلله وبوقتها
رحت وحآجيته وأعتذرت منه وردهـ وآلله للان في بالي قال " عادي يآ غآلي تصير بين الأخوان "
بدون ما يعاتبني ولا يرفض ولا شي بس صج عرفت كيف كنت غبي يوم رحت وحاجيته وقلت له
مابيك ولا أبي صحبتك ..!! والحمدلله إحنا للان أصحاب وأخوان وسري عنده وسره عندي
بس صج الإنسان الي في يوم تحبه من كل قلبك مستحيل تكرهه

وشكلي أزعجتكم

بـو عـزوز

*

*