اخوتي واخواتي السلام عليكم ورحمة الله وبركاته
تلقيت دعوة كريمة على الايميل الخاص بي وانا هنا البي الدعوة
واقد لكم ابياتي المتواضعة آمل ان تحوز على رضاكم
قالت علامك قلت مجروح يابنت
طلي على الخافق تشوفين ذله
قالت غريب وقلت مهما تكلمت
هذا هوى نفسي غرامة وظله
لو البكى ينفع بكيت وتندمت
مسكين من يشكي وهو فيه عله
دوم انت في بالي واتعبت واذعنت
وارخيت راسي وهو في محله
وانا لك الله شامخ دوم مالنت
ياكيف طاعتك الضلوع المظله
ودي تدليني على الدرب يابنت
حيران في دربك ولا اقدر ادله
وكانك تغليتي على القلب سلمت
نفسي وروحي ياغناتي على الله
معذور والسموحة منكم