هُذِيًآنٍ...

**بدر 15** · 02-09-2008, 04:21 PM

..

في عام 1398 هـ في مدينة الرياض

سمعت الرياض صرخة..,

وكَنتْ صَرّخَت..!

تؤام الماء

" عاشق مي "

شاعر كتب للعشق فعشقناه..,
شاعر كتب للحب فاحببناه..,
شاعر ان حزن حزننا معه..,
وان فرح فرحنا لفرحته..,

شاعرنا هو..!

فهــد المِساعد

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

مولده بالرياض
وعاش أربع سنوات من طفولته في الرياض لينتقل بعدها
إلى مدينه الرمحيه 120 كم شمال الرياض ودرس فيها المرحلة الابتدائية..,
ثم تركها بعد ذلك متوجها إلى رماح لإكمال دراسته..

وفي ذلك العام توفي والده - رحمه الله- وأكمل فهد 6سنوات..
في هذه القرية ليغادرها بعد انتهاء المرحلة الثانوية..!
بدأ في رحله البحث عن الذات كما يحب أن يسميها..
فتنقل بين جامعه الملك سعود ومعهد الإدارة العامة,!
طالباً وبين عدد من جهات العمل..
ليستقر به المطاف أخيراً موظفاً في شركة الاتصالات السعودية..

بدأ فهد بكتابة الشعر وهو في سن الثانية عشرة من عمره..
بدأ في كتابة القصائد الغزلية..
ثم بدأت شهرته على النطاق الضيق في قريتي الرمحيه
ورماح بسبب قصيدة كتبها في أخيه تداولها الجمهورالقليل هناك..
وبدأت دائرة الشهرة تتسع لدى فهد قبل خمس سنوات
عندما كان يقضي إحدى سهراته مع أصدقائه
يتداولون الشعر ويتبادلونه ..,

وفي أحد الليالي استوقفه أحد الحاضرين وطلب منه تكرار أكثر من قصيدة
ليكتشف فهد فيما بعد أنه الشاعر والصحفي "أحمد الفهيد"
والذي كان صحفياً في مجلة فروسية وشعر حينها .
وأخذ قصائد فهد ليقوم بنشرها .
ومن ثم اتسعت دائرة النشر حينما أصبحت هذه النصوص تحت يد
الشاعر "عبدالله ناصر العتيبي"
رئيس تحرير مجله (فواصل)
ومن ذلك الوقت أصبحت الصحف والمجلات تسعى خلف
هذا الشاعر وقصائده..
أول قصيده نشرت للشاعر فهد المساعد كانت بعنوان
(دفتر أوجاعي)
ومنشورة بإسم فهد السبيعي

ياعين كفي دمعتك لاتهلين
قوي الصبر هذا زمان العجايب..,

ماقد سمعنا رجّع الدمع غالين
ولاسمعنا رد دمع ٍ مصايب..,

بدل دموعك حاولي بينك وبين
قلب ٍ عساه اليوم ينسى الحبايب..,

مااقول انسي حاولي كود تنسين
خلاص راحت غايتك بالغصايب..,

الحب قصه والبطوله لشخصين
وختامها كل ٍ من الحب تايب..,

ماهوب مثل اللي نظنه من سنين
ماندري انه يودع الراس شايب..,

كنا نظن الحب يرسم بقلبين
وسهم ٍ على القلبين بالحبر صايب..,

واليوم اشوف الحب في دمعة العين
كنه غريب ٍ دون دم وقرايب..,

انشهد انه شتت الحظ أثنين
راحت وتهنا في بحور ٍ غرايب..,

راحت وانا واطلالها اليوم باقين
ترقب عيوني بابهم والهبايب..,

اذا انفتح كل الخفايا بي اتبين
واذا تسّـكر جاوب الدمع غاايب..,

انا قوي القلب اصبحت مسكين
يحق لك يالعين خاوي السحايب..,

ياعين هلي دمعتك لاتملين
غلطان انا يومي ردعتك وخايب..,

وآخر وصيه من فهم حالتي زين
وآمن بقلب ٍ راح في الحب ذايب..,

ينحت على قبري رموز ٍ بحرفين
وينحت سهم وقلوب .. فوق النصايب..!

/

**بدر 15** · 02-09-2008, 04:23 PM

.,

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.. المدينة و الغريب ..

جا يشوف الحال كيفه بعد ماهـزّه حنينه
وقبل يسألني سألته : كيف حالك يالحبيـب..,

قال انا كني غريب ٍ ضـيّع دروب المـدينـه
قلت انا كني مدينه تنتــظر رجعة غريـب..,

قال اجل وشفيك تلعن سيـرة الحب وسنينـه
قلت اجل وشلون ماالعن سـيرته دامك تغيب..,

انت لامن غبت حتى مرايتك صارت حزينه
كيف ماتبغاني احزن وانت لي مثل النصيب..,

الهدايا والرسايل والمكاتيب الثـمينه
والليالي والقمـر والـريح والكون الرحيب..,

كل ماتبعد .. تـجيب الشعـر ليّه من يـدينه
وتقعد جروحي تودي فالطـواريق وتجيب..,

يابعد كل القصيد ونزوة احـداه وانينه
لاذكرتك لاح بيت وطاح ورد وفاح طيب..,

وان نسيتك مانساني صـوتك المبحوح لينه
ياخذ لجـرحي بـثاره من خطاياك ويطيب..,

وبعد هـذا جاي ترمي ذنبك بوجه المدينـه
مادريت ان المدينه كلها شمعـة غريـب..,

.. أعــز إنســان ..

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

صوّت حبيبي وقبل أقول ياعونك
شكا جروحه ورحت اشكي له اطعوني..,

يقول ما اقدر أعيش اليوم من دونك
وأقول حتى ولو ماعشت من دوني..,

يمكن أنا أكون اعز إنسان فعيونك
بس انت والله كل الناس فعيوني ..,

لاصرت ربعي .. وداري فيّة اجفونك
وش دخّل الناس خل الناس يجفوني..,

يكفيني إن انت لامن قلت وشلونك
تطيب كل الجروح ويختلف لوني..,

وان كان منت بمصدقني على هونك
تعال طالع ادروبك وين ودوني..,

اصبحت اجامل اعداي اللي يحبونك
واكره مشاهد اعداك اللي يحبوني..,

ومن كثر ما أحب واكره عنك واصونك
اصبحت دفتر مشاعر وأنت مضموني..,

إن غبت عني شعرت بلذة طعونك
وان شفت زولك شعرت بقيمة عيوني !!

/

.. صــالات المــطار ..

قبل أسافر كنت جالس في زمان الإنتظار
ارتشف هم المكان وكل هم حاجتيــن..,

كنت خايف من يباس وكنت خايف من خضار
كنت أخاف إنك تجين وكنت خايف ما تجيـن..,

لين شفتك مـن ورا بيبان صالات المطار
مقـبلة من كثر شوقك كنت أشوفك تركضيـن..,

مرةٍ ركضك يمين ونظرة عيونك يسار
ومرةٍ ركضـك يسار ونظـرة عيونـك يمين..,

تايهـة ما كـنك إلا ضحكة وسـط انكسار
ساكتة ما كنك إلا دمعة فيها حنين..,

خـايفه .. وجله..حزينه .. يعني كنتي باختصار
تشرحين لكل عاشـق معنى كلمـة عاشقيـن..,

بعدها جيتك ولدت عينك وبعدها كان الحـوار
من كفـوفي دمعتين ومن كفوفك دمعتين..,

كنت أًصد وكنتي انتي ثايره مثل الشـرار
"ما على لتغة لسانك غير كلمة" وين؟ وين؟

واذكر اني رحت قبل ابديلك أية كلـمة اعتـذار
رحت حتى قبل اطيب خاطرك في كلمتـين..,

لكن انتي عارفتـني زين واللي صار صار..!
سامحيني واذكريـني قد ما انتي تقـدرين..,

اذكريـني لا انتهت للشمس رحلة مــع نهـار
واذكـريني لاصحى للصبح ورد الياسمـين..,

واذكريـني لا لمحتي في ليالي البـرد نار
واذكريـني لا سمعتي للمطر صوت حزيـن..,

واذكـريني .. واذكريني.. واذكريني باختصار!

اذكـري فـهـد المساعد قد ما انتي تقدريـن

/

**بدر 15** · 02-09-2008, 04:24 PM

.,

خلال بحثي في الانترنت عن تؤام الماء

وجدت ان للفهّد ابيات لم تنشر..!
وأحببت ان تتطلعو عليها..,

..

يافديـت اللي اذا جـيـته أقول :
قل أحـبك .. أسـتحى ماقالها..!

وأن زعلت .. يتمتم بهمس ٍ خجول :
تـطـلع أحـسن لـو تجي من حالها

تـدرين لامنـّك زعـلـتي وش يـصير ؟!
تدرين لامن صار خـاطرك مـكـسور ..

تكـّدس أغصان الشجر بالعـصافير..,
وكل ماذرفتي دمعه .. يموت عصفور

دام السواحل خطاوي رحلة الغرقا..
لأ ابغي السواحل ولأ ابغي للبحر سيره.!

لأوالله ابغي ملاذ عنك يالطرقا..
لو كان حضنك ربيع وديرتك ديره

بعد المذله جيتني اليوم تنشد..!
خلاص انا فكيت حبل الموده..,
مادام به ناس عن الدين ترتد..!
وش يضمن انه مايجي منك رده؟!

لو مابه الا الارض من تحت أقدامك..,
لابوس آثرك اللى علي الأرض واكنه..
وشلون آجل مابوس آنا الأرض قدامك..!
وانتِ تحت اقدامك الخير والجنة..!

انْ قتلنيِ الحُب والا ماجرحنيِ..,
قلتها مِن قَبل يقتلنيِ السكوت..!

لو يزيدْ شوي في قلبيْ ذبحنيِ..
ولو يِقلْ شوي مِن قلبكْ بَموتْ..!

علمتِنيْ فى صَف "آول حُبك"..آن آكبر سفيه..
اللى اذا حسْ بغلا خِله يِفرط فى غلاهْ..!

طيب علامِك..كِل مازدتكْ غلا..تزداد تيه..!
آهات والله ياوطن..حتى ولو ماقِلت.."آهـ"

غايب عُمر واليومْ راجَع لى تقولْ..آشتقتْ لكِ..
والله وفيكْ الخِير ., بس الشوق وينهْ وآنتَ وين..!

يومكِ تِقول آشتقتْ لكَ كنكْ تِقولْ آبقتِلك ..,
لكِ عين ترجع بعد هذا العُمر..آصلن آنت مين.,!

صَباحكْ نُور..
صَباحكْ مدرسةْ ونعاسْ طِفل فـ آخر الطابُور..
صَباحكْ آم تِخوفْ ولدهاَ بِطاريْ الدكتُور..
صَباحكْ لمة آصّحابْ نسُوا بـ آنْ الزِمانْ يِدوُر..
صَباحكْ ضِحكة بِنيهْ تِقُولْ لِصاحّبتهاْ آسَّرارْ..
صَباحكْ هدهدةْ آشَّعارْ..,
وِعاشقْ يِهمس لِخلهْ..: آنَا ماشِكْ بِسْ آغَارْ ..
صَباحكْ طِفلتِينْ صِغّارْ..,
جِمعهُم صَفْ وآفَترقُوا ..!
وتِلاقو يُومْ صَاروا كِبَارْ..

وحِيدْ لاصَاحِبْ ولاخِلْ وعِيُونِيْ سَارِحه..
اسَّتَرّجِع اللي فَاتْ مِن عُمَّريِ وأقُولْ العُمَرْ فَاتْ..

مَاقِد شَعَرتْ بِطعَّم هَذا الحِزنْ كِثَّرْ البَارِحَةْ..
ساعَة عِرفتْ آنْ آجَّمَلْ الأشَّيَاء صَارتْ ذِكرَيَاتْ..

وبما ان فهد المساعد شاعري المفضل..

حبيت ان اعمل شي يعبر عن حبي له..!
وطبعا سوف تكون على طريقتي الخاصه..,
تابعوني في الرد التالي..,

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

**بدر 15** · 02-09-2008, 04:26 PM

.,

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

وِ هَديَتيْ لـِ فَهَّد المِساعَد.. راح تِكُونْ بِطريقتي..!

وهِي مَجمُوعة تَصاميِم Photoshop <حَ ـبِيبي وصَديقِ الصَدُوق..

" 1 "

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

" 2 "

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

فَهـَّد المِساعَد..

الىْ لقَاءْ قَريِبْ..,

مُحِبُكُمْ../بدر 15

**بدر 15** · 05-09-2008, 04:17 AM

،
،
،
أُنثَى :
(1) ..
من بينِ كلِّ الرسائل التي تأتِ بها إليه .. كانت هنالكَ
رسـالةٌ لايمكنُ إستردادها ، ولا السير
أمامها دون تـوقف .

رسالةٌ كانَ يعتريه ـ وهو يتمتمُ بكلماتها ـ صوتان .
صوتٌ يسمعُه .. وتسمعُه ، وأخرٌ هوَ فقط
من يسمعُه دونَ سواه ..!

(2) ..
صوتٌ من : ( فَيرُوزْ ) .

(3) ..
وصوتٌ أكرَم من
كلِّ الحجـار الكريمة ..
والأشياء ، والـ ...
الـــ ...
الـــ ...
نـاس ..!

صوتها :
ذاكَ الجامح الذي لاينفكّ
ملتصقاً بكلِّ تمتمةٍ بجزءٍ يسـيرٍ من رسالتها ..

صوتُها :
المترصّد وضحكتُها السائلةُ الهاطلةُ على مسامعة ..
المنسابةُ في فمه قبلَ أنْ تضحكَها ودون شعورٍ منه يمارسُ
إعتصارها كحبّاتِ عنبٍ بلا بذور .

هيَ نفسُها كانت تشتهي إيحاءاته وإستثارته لمواطن أُنوثةٍ
تتشبَّبُ كلّما هَزَّ حرفه أركان فصلِ الشتاء ، فتشتهيه حدَّ إلتهامه كأدنى حدود شغفها ..
وشغفِه أيضاً .
،
،
،

**بدر 15** · 09-09-2008, 09:10 PM

*
*

لا صار الجو خاثر وهادئ ..
وكنتي وقتها بالحيل مسروره ..

وسألتك بشكل مفاجئ
منهو دنيتك يا مغرورهـ ؟

قووووولي

[ .. دنيتي " انتِ " و دنيتك " انـا " ]

**بدر 15** · 09-09-2008, 09:11 PM

*
*

بجزمه ولا بدون
تبقى انت المجنون ..!

تلعب الكوره بفنون
وحبنا لك بالقلب مسكون ..!

**بدر 15** · 09-09-2008, 09:15 PM

*
*
*

5/4/1429 هـ

صحيت العصر كالعادهـ ..
خذت امي ورحنا لبيت اخوالي بحكم ان جدتي في المستشفى
ويجلسون مع بعض عشان كلن يقوي الثاني ..

قبل صلاه المغرب بدقايق ..
خذت خالي فهد وطلعنا نتمشى بالشوارع ..
قلت له خلنا نروح لأمك ونشوف اخبارها ..

فعلا رحنا للمستشفى وقبلها وقفنا نصلي المغرب
وبعد ماوصلنا للمستشفى وجدنا خالي وولد خالي ..

كانت وجييهم تحسسك ان الامر فيه شئ
وان جدتي مو بخيـر ..!

حاولنا ندخل نشوفها بس رفضوا
قالوا اصبروا شوي لين يخلصون الدكاتره من عندها

مسكت خالي ع جنب قلت وش السالفه ؟
امي تقول انها بخير وحالتها مستقره
قال كانت كذا بس الحين يعطونها صدمات كهربائيه لان نبض القلب توقف ..! : (

جلسنا 5 دقائق بس نستجمع فيها قوانا وندعي اللطف من ربنا ..
وبعدها خرج الدكتور علينا ..
وقال " عظم الله اجركم .. الوالده توفت "

كان كلماته خنجر .. رصاص .. سم ..
اي وصف يعجبكم حطوهـ .. !
ولو اني اشوف الثلاثه كلها ماتساوي قوة جملته ..!

كانت صاعقه .. كارثه .. صدمه كبيرهـ جداً ..

انهرنا كلنا

..
وقتها اقسم بالله ودي اروح للدكتور واقول اكيد انت تمزح .. !

الكل مسك له زاويه وجلس يصيح فيها
الا انا مسكت كل ممرات المستشفى ودي القى احد يقولي السالفه كذب ..!

شفت خالي الكبير جاي وماكان يدري بالخبر
حاول امسك نفسي لاني مااقدر اقوله ..!

ولكن كان واضح من عيوني كل شئ
وقتها حضنته وقلت احسن الله عزاك

بعدها استجمعنا قوانا ودخلنا عليها
كااااااااااااااان وجهها غيرر

بيضاء كالثلج
منور كالقمر
مبتسم المحيا

ماشاء الله عليها
اقسم بالله انه افضل من وجيهننا كله ..!

فيه النور والطاعه ..

دعينا لها بالرحمه والثبات عند السؤال
بعدها قاموا بفصلون الاسلاك عنها

..!

امي !
الحين لازم امي تدري
قالوا اخوالي دق عليها وعلمها ..!

يااااناس مااعرف كيف وشلون ؟
يالله موقف صعب جداً

استجمعت قواي ..
اتصلت ..
هلا يمه .. شخبارك .. وينكم فيه ؟
حست بنبره صوتي فيها شئ
فيصل .. امي فيها شئ ؟

سكت لحظااااات ..وقلت
يمه انتي انسانه مؤمنه وقويه وصبورهـ ..
وتعرفين ان لكل بدايه نهايه ..
امك انتقلت لرحمه الله

بعدها ماسمعت الا بكائها ..
ماقدرت اتحمل فـ بكيت معها

رجعت وقالت فيصل صدق صدق صق الكلام ..!
قلت ايه يمه صدق

يااااااهـ كانت لحظات صعبه ..
ان تفارق شخص كان يومياً تجلس معه

يوم لاينسى ..
فقدت فيه البشر اجمل واطهر قلب في العالم .. : (

كانت تحب الجميع دون استثنـاء ..
وكان الكل يبادلها نفس الشعور ..

الله يرحمك ياأمنـا ..
ويجعلك في جنات الفردوس الاعلى ..

امين

كانت هذه قصة فيصل

وعلى لسانه

فيصل . رغم اني لم اعلم الا متاخر لكن احسن الله عزاكـ

والله يرحمها ويسكنها فسيح جناته

**بدر 15** · 15-09-2008, 06:27 AM

**بدر 15** · 17-09-2008, 03:26 AM

لسى راجع من المستشفى

حمد لله على سلامتي ^_^

ازمه وعدت

هُذِيًآنٍ...

زاوية الحرف الهادئه