^||^ بـ تراب ابيعك ^||^

دمعة ألم · 22-06-2006, 08:17 PM

هذه قصيدة عيبتني وايد وحبيت اني احطيها في المنتدى ارجو ان الشباب ما يطرشونها للبنات هههههههههههه ,,,

بتراب أبيعك

بدري حبيبي توه الجرح ماطاب ... زيدي همومي واجرحي واتركيني

سيف ركزته وسط قلبي ولا هاب... كملي جميلك واطعني اليوم عيني

مابي عيوني تشتكي جور الأهداب...ولا أبي احد غيري يداوي أنيني

ماقد طلبتك بس أنا اليوم طلاب... وأبي على كثر الرمل تكرهيني

لأني كرهتك صدق ولاني بلعاب... صعبة على مثلي خيانة حنيني

يامــا جرحتيني بلا أيــه أسـباب... وهالمرة عاد أقول لا تحتريني

لاتحتري قلب شكى الضيم منصاب...تعب يذوق من القهر ما يجيني

جرح الكرامة ماهو جرح كذاب... عند الكرامة أبيع حتى ضنيني

عودت أنا نفسي على جلد وعطاب...لامن قصرت يمناي بقطع يديني

نفسي عزيزة لو هو العشق غلاب...ما هنت أنا نفسي وتشهد يميني

قلتي لي انساني أنا بقول بتراب... بتراب أبيعك دام بعتي سنيني

خلاص روحي لعنبو قلب ماتاب... روحي لهوى غيري وغيرك يبيني

الحين روحي واقفلي بعدك الباب... ابكي على نفسك وبعدين ابًكيني
سلاااااااااام

ساحل المعاني · 22-06-2006, 08:29 PM

مشكورة أختي على الطرح الجيد.قصيدة رائعة.
تقبلي تحياتي .ودمتي بخير

دمعة ألم · 22-06-2006, 09:19 PM

العفو يا المعاني ..

ومشكووور عالمرور ..

زمن الحنين · 22-06-2006, 09:24 PM

يسلمووووووووووووووووووووو قصيده رائعه

•ิ . •° غًمًوٍوٍوٍضًٍ ° •ิ . • · 23-06-2006, 03:00 AM

الله عليك

صح نقلك يالغلا قصيده قويه

لاهنتِ

غمووض

صعبة المنال · 23-06-2006, 07:13 PM

وااااااو

قصيده قويه جدااا

صح لسان الشاعر وصح نقلك يالغلا

ننتظر جديدك

غريم القمر · 23-06-2006, 11:06 PM

نفسي عزيزة لو هو العشق غلاب...ما هنت أنا نفسي وتشهد يميني

قلتي لي انساني أنا بقول بتراب... بتراب أبيعك دام بعتي سنيني

اختياار حلوو دمعــــه ..

قووويـه بنفـس الوقــت ... صح لساانــه ... وابدعتــي بالنقــل يالغـلا ...

دمتي بخـير .

*^||^* بـ تراب ابيعك *^||^*

مجلس همس القوافي

^||^ بـ تراب ابيعك ^||^