أنا حزن القصيد اللي علـى اوطـان الحـزن حلّـت
بيـاضـك يــاورق دربــي وكــن الحـبـر أقـدامــي
***
أنـا غيـمـة شـقـا منـهـا مـلامـح جـرحـي ابتـلّـت
أعانـي طعنـة الـوحـده واصـاحـب ظـلـي الـدامـي
***
سيوف الياس من حرب الزمن في وجهي انسلّت
سيـول الغـدر مـن خلفـي وريــاح الظـلـم قـدامـي
***
حملـت همـوم لـو ترقـى الجبـال الراسيـه اختلّـت
أنا مدري على همـي وش اللـي صبّـر عظامـي ؟
***
أنــا الـلـي دنيـتـي مـنـي قـبـل لا اشوفـهـا مـلّـت
كبـرت وماتحقـق لــي فعـمـري أصـغـر احـلامـي
***
أشــوف ان الـفـرح طـفـلٍ بوقـتـي يــدّه انشـلّـت
وانا صرت اجمع بيـدّي دموعـي ونـزف أقلامـي
***
بـكـى فــي داخـلـي قلـبـي وروحــي كنـهـا ولّــت
زمانـي طـاح مـن عينـي ويبسـت نبتـة اعوامـي
***
بقـى فينـي جسـد خـالـي وعـيـنٍ تسـهـر وهـلّـت
وحـروفٍ ضايعـه مابيـن معنـى الحـزن والهامـي
***
أحس البسمه في شفاتي سجينـة صمـت وانذلّـت
وانا حيّـه ورثنـي الهـم واستولـى علـى اقسامـي
***
أنـا صحـرا أمـل ماشـفـت غيـمـه لاجلـهـا طـلّـت
هجرني الناس واندثرت على وجه الثرى خيامـي
***
أنـا مـو عاشقـه وابكـي ولانــي بـنـت قــد زلّــت
ولكن صعب..صعب..اشوف نفسي تموت قدامـي
منقوووله لجماالها ..
وشكـــــــــــــــــــــرا
بدر الريــــــــــــــاض
![][ عبدالرحمن القحطاني في ضيافة المجالس ][](http://www.d-saudi.com/up/uploads/images/d-saudie41e2c5030.gif)
حملت هموم لو ترقى الجبال الراسيه اختلت ..!!
