لمن لم تعلم ...!!!

سـ الحنين ــر · 26-01-2007, 09:21 PM

اترككم مع هذه الابيات

" لمن لم تعلم "

يا وليف البرق يالعـجب العجــاب
يا عجيب الوصف يالحزن الشفيف

يا سحاب الحب وعتام الضبــاب
يا عتـام الضيق بعيون الضعيـف

يا قيود الطيش يعيون الشبــاب
يا عيون ناعسـه وخصر نحيــف

انتي احلى من وطت رجلة تراب
وانتي اشهى ضكة ( ن ) فيها نزيف

انتي افصح من حكى كلمة عتـــاب
وانتي اسمى من ترك هرج سخيـف

وانتي وانتي وانتي وانتي بلا اغتياب
وردة ( ن ) تطغى على لـون الخريف

كم تمنيت اوصلك يا ذا الجنــــــــاب
وكم تمنيت احضنك يا اغلى وليــــف

وكم تمنيت ارفعك فوق السحــــــاب
وكم تمنيت اســـكنك قلـــب عفيـــف

لكني انتي مكابره كبر الهضـــاب
تعشقي والحب في صدرك كثيــــف

بس البلا لا صار للهرج انتحــــاب
والدموع تصب من وجه كسيـــــف

ولا ذكرت الا ندامه واغتـــــــراب
ولا قادني يمك سوى سيل مخيف

من الهوى والحب والوان الغياب
والصبر دونك وذكراك الحسيـف

قلت اسألك ما دامني عشت اكتئاب
جاوب شعور بسبتك امسى كفيــف

يا اغلى من اغليته بإحساس يهاب
جاوبي باحسان وبلسان خفيـــــف

هل لي على قلبك خطى ولا مـآب ؟!!!
هل لي مع طيوفك خوي او حليف ؟!!!

جاوبي ..... لو صار للحس انسكاب
او اسكتي .. وبفهم سكوتك ..."لا وليف "

وسلامتكم

بقلمي

اخوكم

•ิ . •° غًمًوٍوٍوٍضًٍ ° •ิ . • · 26-01-2007, 10:12 PM

اقتباس:


	هل لي على قلبك خطى ولا مـآب ؟!!! هل لي مع طيوفك خوي او حليف ؟!!! جاوبي ..... لو صار للحس انسكاب او اسكتي .. وبفهم سكوتك ..."لا وليف "

الله الله

أسلوبك حلوو

وطريقتك تلفت النظر

صح لسانك عالابيات الرائعه

لاهنت ولاعدمناك

غموووض

سـ الحنين ــر · 26-01-2007, 10:17 PM

اقتباس:


	الله الله أسلوبك حلوو وطريقتك تلفت النظر صح لسانك عالابيات الرائعه لاهنت ولاعدمناك غموووض

صح بدنك يالغلا ... هذا من ذوقك ...

نورتي صفحتي بطلتك ...

دفااا المشاااعر · 26-01-2007, 10:54 PM

الله

كلماات في غاايــة الجماال

ولكن الحبيب عنه ساهي وما عطاه بال

سلمت انآملــك أخوي على كتآبتــك وجودة اختياركــ .... لآ عدمنآكــ

عاشق الريم1 · 27-01-2007, 07:03 AM

ولا ذكرت الا ندامه واغتـــــــراب
ولا قادني يمك سوى سيل مخيف

من الهوى والحب والوان الغياب
والصبر دونك وذكراك الحسيـف

هلا وغلا سر الحنين

صح لسااااااااااااااااااااااااانك
ودمت دوم بهناء

همسة زمانك · 27-01-2007, 02:52 PM

^_^

كلمااات رائعه
واحساس مرهف
يناغم المشاعر
سلمت ياسر الحنين ولا عدمنا وجودك

سـ الحنين ــر · 29-01-2007, 10:46 AM

الف شكر لمرورك العطر هموسه ...

كل الدنيا اماني · 30-01-2007, 11:24 PM

حــروف شكري بابداعك صارت سـراب
وكل معنى ثقيل صار عند حرفك خفيف

احساس حرفك يطرق بالمشاعر كل باب
وتذكرت كيف الحب باختياره كفيف

ســـــــــــــر الحنين ..

صح لسانك .. وعلا شانك ..

السنيـوره · 07-02-2007, 12:09 AM

لمن لم تعلم ..

!

!

رائـــــــــــــــــعه

بل

مبدعــــــــــــــــــــــــــه

تلك الابيات

بألحانها ..

بكلماتها

بنقاطها

بجملة حروفهااااا

قد تتخذ منها روعة الابيات وجمال المفرداات

سيدي سر الحنين

صح لسااااااااااااااانك عدد بلا مدد

دمت بود

اختك السنيوره

لمن لم تعلم ...!!!

مجلس همس القوافي