قصيده مؤثره لشاب قالها في امه الي تسبب بوفاتها---(قصيده موثره)

sensitive girl · 02-03-2008, 04:16 PM

قصيدة لشاب قالها في أمه التي تسبب في وفاتها -- قصيدة مؤثرة

--------------------------------------------------------------------------------

هذي قصيدة كتبها شاب عمل حادث سيارة و والدته كانت معاه وكان مسرع
وتوفيت أمه بسبب الحادث أما هو فكانت إصابته خفيفة ...
و هذي الأبيات قالها لمن راحو بيعزونة***

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

فعلاً حزينه هذه القصيده اعجبتني واحببت ان انقلها لكم

ولا ننسي إن الجنة تحت أقدام الأمهات

تح ـــــــــــياتي

دايم الشوق · 03-03-2008, 03:53 PM

:

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

:

دوما ً الأبيات الحزينة مؤثرهـ ..

فـ كيف لو كانت من واقع الحال

و عن الأم ..

مؤثرة جدا ً ..

الله يرحم أموات المسلمين ..

يعطيك العافية و لا هنتي ..

**●|[ أغلى الحبايب ]|●** · 06-03-2008, 09:18 PM

عظم الله اجرك في فقدهاواحسن عزاءك
تحيااااااااااااااااااااااااااااااااااااااااااااتي

السنيـوره · 08-03-2008, 06:44 AM

قصيده بكت عليها الاقلام .. ودمعت لها المحابر

وتلعثمت السطور وتكبل القرطاس .. وهاجت النقاط الما

سيدتي .. قصيـــــــــــــــدة مؤثره بل طاغيه .. صوره اقرب ما تكون لواقعه سجلها التاريخ

على معالمه .. وحفر المها على صفحاته ..

سيدتي .. لاعدمنا رؤيه جديدك

دمتٍ بود

اختك السنيوره

sensitive girl · 22-03-2008, 03:22 AM

اشكر كل من وقع على متصفحي

وانارها بتواجده

اعتذر عن تاخري بالرد

قصيده مؤثره لشاب قالها في امه الي تسبب بوفاتها---(قصيده موثره)

مجلس همس القوافي