يـا صانـع المكيـاج الله يجـازيـك

الفتآهـ السآمه · 28-04-2008, 02:02 AM

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

**][ HamooOoody ][** · 28-04-2008, 06:54 PM

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

يعطيكي الف عآآآفيه اختي السآمه ..

من جد روووووووووعه ..

الفتآهـ السآمه · 29-04-2008, 03:40 AM

حموودي الله يعآفيك ومرورك هو الرووعه اخوي

**^^ فــارس ^^** · 29-04-2008, 12:20 PM

صح نقلك وانا اخوك

اي والله بالفعل

يا حلو الجمال الطبيعي

لا مانع من تخلله بعض المكياج

ولكن الزمن هذا ما شاء الله عليهم

كيلو مكياج على وجه الوحده

الله يعين وانا اخوك

عساك على القوه يا رب

الفتآهـ السآمه · 29-04-2008, 02:13 PM

كيلو مكياج حلوهـ هههههههههههههههههههههههههههههههههههههههههههههههههه هههههه

الله يقطع ابليسك

بس والله انك صادق مررره يكثرون ميك اب

ثانكس فارس على مرورك الحلوو