14-06-2008, 05:10 PM
|
رقم المشاركة : 1 (permalink)
|
| تاريخ التسجيل : Jun 2008 |
| رقم العضوية : 9567 |
| مجموع المشاركات : 6 |
| بمعدل : 0.04 مشاركة في اليوم |
| معدل التقييم : 50 |
معدل تقييم المستوى :  |
| آخر تواجد : () |
|
My SMS
|
|
|
|
نرجســــيه؟
نرجسيـه.. نرجسيـه.. أذكــر إنـهـا نرجسـيـه
كلمـةٍ مطـلـع قصـيـده راودتـنـي مــن زمــان
كـنـت أبكتبـهـا ولـكـن عـيـت ظـروفـي علـيـه
والزمن أيضا حداني وبعدها كـان اللـي كـان
نرجسـيـه يــا عـلـي بـنـتٍ تـمــادت بالخـطـيـه
أسرفـت فـي حالـي حـتـى عفتـهـا يـا بـورزان
بعثـرت عمـري شظايـا بيـن ذيـك وبيـن ذيــه
ولاقويت أجمع شتات العمر وأطراف الحنان
أذكر إنـي كنـت أهوجـس فـي غـلا هالأدميـه
وأحسـب للـحـزة لقـاهـا هالدقـايـق والـثـوان
وأذكر إنـي كنـت أشكـك فـي وجـود الجاذبيـه
وأتسـاءل ليـه أطيـر إليـا دعتنـي فـي مـكـان
وكنت أظن إن النهار إليا ظهر ثم بـان ضيـه
إستمـد النـور منهـا ثـم خــذى منـهـا ضـمـان
والضمان إنها تصون السر عـن كـل البريـه
مـا تخبـر بـه قريـب ولا يسـولـف بــه لـسـان
جــادل ربــي حبـاهـا فــي مـلامــح يوسـفـيـه
عنـق وإلا خسـر وإلا.... يادخيـل المستـعـان
إن تهـادت فـي خطاهـا تسلـب العقـل بـرويـه
وإن تثنـت شحـت كفـي وش بقـى للخـيـزران
وإذا إنتثر مجدولها اللي حشى ما شفت زيـه
فـاح ريـح العـود وإلا هــو عبـيـر القحـويـان
من نظرهـا كنـه اللـي ماحسـب طعنـة خويـه
ولالـــه إلا لاتـبـسـم ثـغـرهـا عـــض الـبـنـان
لو نظرها إبن الملـوح عـاف ليلـى العامريـه
يختلف طرقه ونهجه وتصبـح العشـره ثمـان
يتـرك الشعـر المقـفـى والـحـروف الابجـديـه
أو يهيـجـن هيجـنـة بــدوٍ لـهـم عــزه وشــان
أشهـد إنهـا مـن عذابـي ياعلـي ماهـي بريـه
قلـبـهـا قـاســي ونـــادر مــــا تـمـايـلـي ولان
عرضتـنـي للهجـيـر وقـالـت أمشـيـلـك بـفـيـه
واتركتنـي للسهـاد ولـوعـة أصـفـاد الـهـوان
واستباحت كل عرق مـن عروقـي والضحيـه
حبنـا اللـي مـن سواهـا مـا صفـا مـره وزان
عنجهـيـه ونرجسـيـه.. نرجسـيـه وعنجـهـيـه
حلهـا وشـلـون مــدري!! طالـبـك يـابـو رزان
|
|
|
|
![][ عبدالرحمن القحطاني في ضيافة المجالس ][](http://www.d-saudi.com/up/uploads/images/d-saudie41e2c5030.gif)
العرض العادي
