و هذا الجزء الثالث حلومه....
الجمعه,,,,بعد اذان الفجر
ستي(الخدامه):الهنوف…>>تقولها بصعوبه
الهنوف:نععععم.......خيييررر
ستي: يلا قوم....صلي فجر
الهنوف: طيب
وبعد ربع ساعه من الهواش تقوم الهنوف وتتوضأ وتصلي وتروح تقوم غلا
الهنوف:غلا........غلاوي
غلا: ..............
الهنوف: اففففففففف......غلاااااااا
غلا: اف ابي انام والله ما شبعت نوووم
الهنوف: طيب قومي صلي الفجر وبعدين ارجعي نامي
غلا: طيب.........قمت قمت
واخيرا تقوم غلا وهي تصلي يدق جوال الهنوف الهنوف ناظرت الرقم لقت نفس الرقم اللي دايم يدق عليها ومزعجها فما ردت عليه,,,,,,خلصت غلا صلاتها وتروح عند الهنوف
غلا(معصبه):هنيف و وجع ليش ما تردين على جوالك ما عرفت وش اقول بصلاتي
الهنوف(وببرود): رقم غريب.....
غلا ما حبت تكمل هواش خافت يطير عليها النوم ورجعت كملت نومها هي والهنوف
الساعه وحده الظهر قامت غلا وما لقت الهنوف
دخلت الحمام(اكرمكم الله) وبعدين صلت الظهر وبدلت ملابسها ونزلت الصاله لقت جدها والهنوف قاعدين يسولفون
غلا:السلام عليكم
الجد+الهنوف:وعليكم السلام
الجد: توك تصحين من النوم........ بنت عبدالعزيز وش نسوي بعد
غلا:اموت واعرف وش دخل ابوي بالسالفه
الجد: مو ابوك كان نوام العايله وانت طلعتي عليه
الهنوف: بعدك يبه ما شفت غزل نوامه اكثر منها
الجد: بعد مشاءالله كل العايله
غلا:جدي من صدق ابوي كان نوام؟
الجد:اجل اكذب عليك؟
غلا: يمكن ليش لا
الجد: غلاوي يا الدبه عيب استحي على وجهك انا جدك
غلا: ههههههههه....السموحه منك بس مهلوسه شأسوي توني قايمه من النوم
الجد: سبحان الله نسخه من ابوك
غلا: بعد...وش يبي ابوي يحتك واجد
الجد: يا الخبله هذا ابوك
الهنوف: ما عليك منها جدي تري بتقول وبتسوي اشياء وهي بعدها ما هي بمستوعبه انها صاحيه
الجد:ههههههههههههههه.....والله من صدق عبدالعزيز
الهنوف: طيب وش رايك تقول فضايح عيالك؟
الجد:ههههه....شلون يعني فضايح؟
الهنوف: يعني اللي يتكلم وهو نايم واللي ما يحب يروح المدرسه واللي دايم يلعب يعني زي كذا؟
الجد: اهااا.....طيب اسمعوا
وقعد الجد والبنات يسولفون الى صلاة العصر وبعدها راح الجد المسجد والبنات راحوا غرفتهم
في بيت ابو عبدالله,,,,,بالصاله
ام عبدالله: خالد والا محمد واحد منكم يروح يجيب الهنوف
خالد: انا بعد شوي بطلع مواعد الربع
ام عبدالله: اجل انت يامحمد
محمد:يمممااااه...والله مالي خلق اروح خلي السواق
ام عبدالعزيز:السواق راح
محمد: والله مالي خلق
ابوعبدالله: خلاص ...انا بروح اجيبهاو مره وحده بشوف ابوي
ام عبدالله: اجل انا بجي معك
ابوعبدالله:طيب يلا قومي اجهزي شوي وبروح
ام عبدالله:انشاءالله
عند فارس وبغرفته
فارس يفكر .. ويفكر....ويفكر...
فارس: خلاص بروح اقولها
يروح الصاله ويلاقي امه وخواته هناك
فارس: يمه تعالى ابيك شوي ان ما عليك امر
ام فارس: انشاءالله
فارس ياخذ امه ويروحون غرفته والبنات بالصاله يموتون ويعرفون وش يبي من امه
ام فارس: هاه يمه وش بغيت
فارس: والله يمه ماني بعارف وش اقولك......
ام فارس: قول يمه لا يكون صاير شي شين
فارس:لالالا يمه خير انشاءالله خير
ام فارس: اجل وشو تراك خوفتني
فارس: لا ماله داعي الخوف كل ما في المو ضوع اني...
ام فارس: اييه
فارس: حاس اني خلاص كبرت واقدر اعتمد على نفسي و.........ودي استقر واتزوج
ام فارس(مستانسه حيل)قول كذا من اول بدال ما انت قا عد تلف وتدور وتلف وتدرو
خلاص من اليوم ادورلك احسن بنت بالسعوديه واخطبها لك وش رايك بعد
فارس: لالايمه ما له داعي تدورين لي
ام فارس: اها اجل حاط وحده بالك ؟ مين؟
فارس: غاده بنت خالي عبدالعزيز
ام فارس: ايه والله وعرفت تختار وانا امك خلاص اجل هالحين اروح واقول لابوك واليوم المغرب اكلم ام غاده ونخطبها لك
فارس: سوي اللي يريحك
ام فارس: الله يوفقك يا الغالي
ابتسم فارس لامه وطلت من عنده وراحت للصاله تبي تنادي ابو فارس علشان تقوله تدخل الصاله وتقعد بجنب ابوفارس وتكلمه بصوت واطي,,,,,,,والبنات حالتهم حاله ودهم يطبون عندهم علشان يسمعون وشوي يقوم ابوفارس وزوجته و يروحون غرفتهم علشان تقوله السالفه بالكامل
مرام: وش عندهم؟
دانه: علمي علمك
رهف:تبوني اروح اشوف لكم وش السالفه؟
مرام: ايه ايه
دانه: لا يمكن سالفه تخص الكبار وما يبونا نعرف
رهف: بكيفكم بس انا بروح اشوف وش السالفه
دانه: رهف لا
رهف: مو بكيفك
وتروح رهف ركض لغرفة امها وتدخل عند امها
رهف: يمه يمه
ام فارس:وش فيك؟
رهف: دانه تبي تطقني
ام فارس: طيب تعالى اجلسي هنا لما اخلص بطلع اهاوشها,,,,وتلف على ابو فارس
وتقول: هاه وش رايك؟
ابوفارس:والله ما اقول لا خصوصا ان فارس كبير وعلى قولته يقدر يعتمد على نفسه و يتحمل مسؤلية بيت واسره وهو اولا واخرا بيتزوج
رهف: يمه فارس بتزوج؟
ام فارس: مو شغلك
ابوفارس:ههههه طيب بتخطبن له مين؟
ام فارس:هو يبي غاده بنت اخوي عبدالعزيز
ابوفارس: والنعم ببنات بو سعود....خلاص دام هو يبيها اخطبيها له
ام فارس: اجل اليوم المغرب اكلم ام سعود واقولها
ابوفارس : اللي تشوفينه
ورهف طبعا سمعت كل شي وتطلع من غرفة امها بهدوء وتروح الصاله والابتسامه شاقه وجهها
مرام: عرفتي
رهف: طبعا
مرام: وشو؟
رهف: هههههههههههه
مرام: يلا عاد بلا مصاخه تكلمي
رهف : طيب....امي ههههه.....
مرام: ايه
رهف: تبي
مرام:ايييه
رهف: تخطب غاده بنت خالي عبدالعزيز لفارس اخوي
مرام+دانه: احلفففففففففي
رهف: ههههههههههههههههههههه......والله...ونااااااااااسه
شوي يدخل فارس والبنات يناظرونه وهم مبتسمات ع الاخر
فارس: ههههههههه........امي قالت لكم؟
مرام:لا رهف
فارس: وانت شلون عرفتي لايكون كنتي متخبيه بالغرفه والله تسوينها كل شي يجوز منك
رهف:ههههههه...لا سمعت امي يوم تقول لابوي
فارس: اهااا
نرجع لبيت الجد
الهنوف قاعده تلبس عباتها هي وغلا وامها وابوها تحت عند جدها نزلوا البنات وسلموا على جدهم وراحوا مع بعض بيوصلون غلا بيتها وبعدين بيروحون بيتهم
وببيت ابو مهند بغرفة اصايل
تدخل فجر: اصايل.....وينك ليش ما تجلسين معنا بالصاله؟
اصايل: مهند معكم؟
فجر: ايه
اصايل: اجل ماني بجايه
فجر:لييش وش صار؟
اصايل: ولا شي بس مالي خلق يقعد يتطنز عليّ
فجر: اها المهم اجهزي ترى بنروح سباركيز بنعلب اخوانك الصغار
اصايل: امي بتجي؟
فجر: لا عندها عرس تخاف نتاخرهناك وتوصل للعرس متأخر
اصايل: افففف ... وبعدين معها عرس فلانه وعرس علانه وان قالنالها ليش قالت اوجب الناس
فجر: عادي هذي امنا ولازم نتحمل
اصايل: طيب الى متى يا فجر الى متى؟
فجر:الى ما يفرجها ربك المهم انت تجهزي هالحين و لما تخلصين تعالى الصاله ننتظرك
اصايل : طيب
وتجهز اصايل وتروح الصاله وتلاقي مهند وفجر وفيصل ودانيه جاهزين
اصايل: اجل وين امي وابوي
فجر: امي بغرفتها..وابوي فوق بمكتبه
اصايل: حتى الجمعه شغل ......(فكره ببالها)....لحظه بروح شوي وبرجع..
تطلع اصايل عند ابوها تطق باب المكتب
ابو مهند: ادخل
اصايل: لا ادخلي
ابو مهند: ههههههه طيب ادخلي
اصايل(تدخل): سلام يبه اخبارك؟
ابو مهند: بخير.....وش عندك جايه ليش ما رحتي مع اخوانك؟
اصايل: بعدنا ما رحنا
ابومهند: ليش؟
اصايل: نبيك تروح معنا
ابومهند: ههههههه....لا ما ابي اروح مكان
اصايل: لييييش يبه؟ اماااانه تعال معنا
ابو مهند:لا يا بوك والله عندي شغل
اصايل: يبه امانه تعال معنا تمشى شوي...... الشغل ما هو بطاير ولا حنا الفقارى الي محتاجين تشتغل كل دقيقه علشان نعيش .....وبعدين ترى الشغل ما يخلص يبه
ابومهند:.............
اصايل: يلا يبه نتمشى ونتعشى ونستانس ونرجع
ابومهند: امممممم.....طيب
اصايل: احلف..قصدي يلا يلا وااو وناااااسه ابوي بيجي معنا
ابومهند:هههههههههههههه......كل هذا علشان بتمشى معكم
اصايل: اصلا انت من زمان ما طلعت تتمشى معنا
ابومهند:ايه والله وانت الصادقه من زمان ما طلعت اتمشى....اجل انتم انتظروا ببلبس بسرعه واجيكم...لا تروحين وتخليني
اصايل: افا عليك انتظرك ليش لا كم سعد عندي انا؟
ابومهند:هههههههههههههه........يقطع شرك يلا
وتنزل اصايل وشوي ينزل ابو مهند وهو لابس ثوبه وشماغه
ابومهند:يلا
اصايل:يلا
مهند+فجر مو بفاهمين شي
اصايل: يوه نسيت ما اقولكم ترى ابوي بيجي معنا
فجر+مهند:اهااا
ويطلعون ويروحون سباركيز مهند شغال يرقم ذي ويناظر ذيك ومن هالحركات
فجر قاعده تلعب اخوانا
اصايل تسولف مع ابوها وتعلق على كل واحد يمر بجنبهم وابوها فاقع ضحك على تعليقاتها
ابومهند:ههههههههه...خلاص صوص حشينا بكل الناس يكفي
اصايل: صح النوم
ابومهند:ههههههههههههههههههههه
اصايل": يبه والله زهقت هنا خلنا ندخل السوق
ابومهند: واخوانك؟
اصايل: معهم فجر ومهند ولما يخلصون يلحقونا
ابومهند: طيب يلا
ويدخلون السوق يدورون شوي يجون الباقين ويقعدون يتسوقون واصايل كل شوي تستشير ابوها وابوها مستانس بقوه قامت دانيه و فيصل يقلدونها ويستشيرون ابوهم وفجر ومهند واقفين يناظرون ابوهم اللي متغير كثييييير ما كأنه نفس الشخص اللي بالبيت او بالشغل مو نفس قسوته و جفاه وقوته الي قدامهم شخص ثاني يضحك ويسولف ومستانس...
ابومهند: فجر وش بك ما شريتي ما عجبك شي؟
فجر: هاااه الا الا بروح انا واصايل هذا المحل على ما تخلصون حساب
ابومهند: ايه طيب
مهند: بجي معكم
وهم رايحيين
مهند: غريبه مدري وش فيه ابوي متغير
فجر: ايه والله متغير بالحيل
اصايل: لا والله مو متغير ولا شي بس انتم اللي بعاد عنه ما تعرفون ابوكم على طبيعته
وتروح وتخليهم
مهند: اصايل عرفت توصل لابوي
فجر: ايه والله شفته شلون يهبل ومستانس
مهند: ايه والله دوم انشاءالله
فجر: الله يسمع منك
ويكملون لف بالسوق وكلهم مستانسين اول مره يحسون هالاحساس الحلو
و عند غلا في بيتهم
تدخل غلا بيتهم وتروح دايركت على غرفتها تبي تذاكر ما فتحت ولا كتاب من يوم الاربعاء وشوي وتدخل عندها غاده و وجهها احمر مرتبكه
غلا: غاده وش فيك ؟
غاده:............
غلا: غاده تكلمي ترى والله خوفتيني
غاده: فارس...
غلا: وش فيه فارس؟
غاده(وتحط ايدينها على وجهها): خطبني
غلا: احلللللللللللللللللللفي...قولي والله
غاده: ..............
غلا: ايه والله ...حركتات اختي ..ههههه..تلاقينه..
غاده: ولا كلمه لا تتكلمين اخر شي احتاجه تعليقاتك
غلا: ههههههههههههه...(وترفع لها جاحب)..فارس هاه
غاده: غلاااااااااا......ولا كلمه
وتطلع من عندها وهي مستحيه ع الآخر
وهذي اهم احداث يوم الجمعه
اما يوم السبت
الهنوف رايحه المدرسه ومتحمسه تبي تشوف رغد اول مره تغيب عن عينها ثلاث ايام وتشوفها قاعده بمكانهم المعتاد وتروح لعندها وتلمها
الهنوف: رغوووود وحشتيني
رغد:اهلين...وانت اكتر
الهنوف: وش فيك؟
رغد: ولاشي
الهنوف استغربت من رغد اول مره تعاملها ببرود وتجي عندهم غلا وتقطع تفكير الهنوف
غلا: هنييييييييييف
الهنوف: نعم
غلا: هههههههههه.......تدرين وش صار امس
الهنوف: لا
غلا: اسمعي
وتقولها سالفة غاده
الهنوف: هههههههه...حرام عليك احرجتيها
غلا: ههههههه ....عادي متعوده
الهنوف(وكأنها تذكرت شي): اهاااا
غلا: وشو؟
الهنوف: شكله اخوي غار من فارس
غلا:مين وليه؟
الهنوف: امي خطبت لخالد وحده من قرايبنا
غلا: حركااااااااات والله.......باركي له بدالي
ويدق الجرس ويروحون فصولهم
بالفسحه قاعده الهنوف مع صديقاتها و تحاول تكلم رغد بس رغد صافطتها ماتكلمها والهنوف مستغربه وش سوت علشان تزعل رغد عليها وتلف وجهها وتناظر البنات وتلاقي نوره تناظر فيها وتأشر عليها وتتكلم وتضحك هي وصديقاتها
غلا: ضحكتي بلا سنون انشاءالله..وش قصدها؟
الهنوف: شفتيها الوقحه
غلا: ايه قلة ادب ولا المشكله تبي تصاحبك ما لت عليها
الهنوف:امانه تكلمي كأنك تسبين وناظري فيها وانا بسوي زيك طيب
غلا: ليش؟
الهنوف: وحده بوحده
غلا: طيب
ويبدأون الهنوف و غلا ينفذون فكرة الهنوف ونوره تناظر فيهم ومعصبه وتقوم وتجي عندهم
نوره: خير انت وياها وش تبون؟
الهنوف: انت اللي وش تبين
نوره: لاوالله
الهنوف: ايه والله انت اللي جايه وتنافخين محد ناداك وقالك تعالى نبيك
نوره: اجل ليش قاعدين تناظورني وتتكلمون
الهنوف: والله كل وحده وهي حره بعيونها تناظر اللي تبي بالطريقه اللي تبي عندك اعتراض
نوره: سخيفات
الهنوف: الحمدلله يارب هذا اللي قدرتي عليه ...خلاص خلصتي ..طيب يلا فارقي
نوره: بتندمين
غلا: الهنوف لا يكون خفتي
الهنوف: ايه خفت يمممممه
غلا و الهنوف: هههههههههههههههههههههههههههههههههه
نوره عصبت وراحت
فجر: وش صار
الهنوف: ولاشي
غلا : قهرتنا قهرناها
فجر: المهم انتبهوا منها
الهنوف + غلا: طيب
الحصه الاخيره الهنوف قاعده مكانها اخر وحده بالفصل وبجنبها رغد الاستاذه تشرح والهنوف زهقااانه خلاص تبي ترجع البيت تبي الحصه تخلص رغد اليوم من جد صافطتها مو راضيه تكلمها
الهنوف(بهمس): رغد وش فيك؟
رغد: مابني شي
الهنوف: اجل ليش صافطتني؟
رغد: مين انا والله مو صافطتك بس انتي عم تتخيلي
الهنوف: الا والله صافطتني
رغد: الهنوف خلاص يكفي هلأ الابله بتسمعنا ونحنا عم نحكي وراح تفشلنا وتهزأنا
الهنوف: طيييب......الهنوف تتكلم مع نفسها: كأنها اول مره نسولف بوسط الحصه
رجعت الهنوف البيت وطول الطريق وهي تحاول تكلم رغد ورغد مو براضيه تقولها تعبانه
وهم بالغرفه الهنوف بعدها تحاول تكلم رغد ورغد مو براضيه
الهنوف: رغد...يلا عاد ليش ما تبين تكلميني
رغد: شوبيك انا عم كلمك هلأ
الهنوف: ليش تكلميني كذا؟
رغد: افففف
الهنوف: وش فيك ليش تتأفأفين؟
رغد: والله تعبانه كتير وبدي نام وانتي ماعم تخليني
الهنوف(وشوي وتصيح): رغد..حرام عليك انا وش سويت لك ؟
رغد: ياربي شوبكي انا ما ألت(قلت) شي ألت انك عملتي شي ماألت
الهنوف(والدمعه بعينها): طريقتك معي بالكلام غير اصلا طول هاليومين وانتي صافطتني
رغد: لا ....انا نفس ما انا بس مابعرف شوبكي صايره حساسه كتير
الهنوف(وبدأت تصيح): لا والله رغد انا ما اعرفك من يوم او يومين انا اعرفك من سنين لا مو من سنين الا من اول ما عرفت الدنيا حرام عليك رغد انا وش سويتلك تعامليني كذا بعد كل هالسنين
رغد(وما عادت تتحمل هي بدأت تصيح): انا اسفه بس والله ماني على بعضي
الهنوف: طيب قولي لي موكل شي اقوله لك ؟
رغد:ايه
الهنوف: اجل ليش ما تقولين لي وش بك بدال ما تعامليني كذا
رغد: اممممم
رغد قالت لالهنوف انها بتسافر وطبعا الهنوف قلبتها مناحه وبكا وحوسه
الهنوف: طيب انا وش دخلني تعامليني كذا
رغد: مابعرف هيك كرهة الروحه لاني راح أفارئك(افارقك)وعصبت كتير
الهنوف: ايه وعصبتي علي بعد ؟
رغد:هههه ايه
الهنوف: المهم تعالي نروح عند ماما ابي اعرف ليش ما قالت لي
ويروحون الصاله والا ام عبدالله تكلم تلفون
الهنوف : انشاءالله ماتطول
رغد:انشاءالله...الا وين حقك الآي بود
الهنوف(تسوي نفسها تصيح):اهيء اهيء اهيء
رغد: شو بكي؟
الهنوف: طااااااااااح ومارضى يشتغل بعدها
رغد: كيف طاح؟
الهنوف:محمدوه حسبي الله على بليسه الا يبي ياخذه وانا اسحبه وهو يسحبه وانا اسحب باقوى ماعندي من طاقه والا فجأه ويتركني واطيح وينفلت من ايدي وطااااخ ع الجدار
رغد: مين الى ع الجدار انتي والا الآي بود
الهنوف: لا الآي بود
رغد:هههههههههههه
والا ام عبدالله مخلصه
ام عبدالله : الهنوف...ترىاختك بكرا بتجي
الهنوف: ريم؟
ام عبدالله: الله ومن كثر خواتك ما في غيرها ريم
الهنوف: غريبه ليش؟
ام عبدالله: زوجها عنده شغل باسبانيا بتجي عندنا على مايرجع
الهنوف: ومدارس عيالها ؟
ام عبدالله: خلاص اليوم اجازتهم لانه الاسبوع الجاي اختبارات
الهنوف: ووععععععع اختبارات
ام عبدالله: شدي حيلك وذاكري عدل نبي نسبه سنعه
الهنوف: انشاءالله....يلا بروح انام
الهنوف تهرب ماتبي تفتح موضوع الدراسه لانه ان انفتح ما بيتقفل
ومن اليوم الثاني تجي ريم وعيالها ويسوون ازعاج وجو فظيع بالبيت وكالعاده ريم تدور الزله من الهنوف علشان تهزأها بعدها الهنوف حبست نفسها بغرفتها عشان تذاكر وما قامت تطلع منها ابد وما تشوف احد بس تشوف الكتب....مرت فترة الاختبارات وجا اخر يوم اليوم اللي الهنوف ما كان ودها يجي لانه راح يكون اخر يوم تشوف فيه صديقتها رفقية عمرها وتوأم روحها رغد..
رغد تضم صديقاتها وهي وسط دموعها ما ودها تفارقهم لكن الظروف اقوى منها بتروح وبتترك كل صديقاتها للي تحبهم واللي ما عندها غيرهم وكل صديقاتها ما ودهم يفارقونها يحبونها حيل
تمسك ايد الهنوف ويروحون للسياره بتروح بيت الهنوف امها تتنتظرها هناك وطول الطريق ولا وحده تكلمت اكتفوا بالسكوت وصلوا البيت راحت رغد اخذت لها حمام سريع وطلعت سلمت على ام عبدالله و الباقيين وجا دور الهنوف ...
الهنوف عيونها مليانه دموع ورغد نفس الشي بدت الدموع تطيح من عيون الهنوف وتروح لعند صديقتها وتضمها وتبدا تصيح
الهنوف(بصياح): رغد....لا تروحين .........خليك معي
رغد:............(مو قادره تتكلم)
الهنوف: رغد.......
وبعد محاولات من ام عبدالله وام رغد تركت الهنوف رغد .....
طلعت رغد من البيت اللي قضت فيه عمرها كله ودموعها على خدها طلعت وتركت ورها اغلى انسانه على قلبها.....
الهنوف اول ما طلعت رغد راحت ركض على غرفتها رمت نفسها على السرير ودخلت في دوامه من الصياح ...وظلت تصيح الى ما نامت...
ومن بكرا تجي ام عبدالله الساعه عشر الصبح تقومها عشان تروح المدرسه وتاخذ الشهاااده..
ام عبدالله: الهنوف ...الهنوف ...يلا يمه قومي
الهنوف:اقوم وين؟
ام عبدالله: قومي روحي المدرسه عشان تجيبين النتيجه
الهنوف (قامت متروعه):النتيجه؟......افففففففففففففف .........النتيجه لااااااااا ماما ما ابي اروح
ام عبدالله: يلا بلا دلع قومي جيبيها.....عندك نص ساعه تجهزين
الهنوف: ماما ما ابيييييييييييي ...
ام عبدالله ما اعطتها فرصه تكمل وتطلع وتخليها
الهنوف : اففففففففففففف......ياربي ...3 اسابيع من المذاكره والزهق وكل يوم لحاله نكد وامس كل ابو النكد واليوم النتيجه وابو ابو ابو النكد والاجازه كلها اسبوع خلوني على الاقل استانس فيه قبل ما تجي المدرسه ويصير من جد نكد...ياربي ...امري لله..بروح اجيبها اففففففففففف
وهي تبدل ملابسها تجيها رساله..بدلت بسرعه وراحت ركض على الجوال على بالها الرساله من رغد..وتفتح الرساله وتقرا المكتوب....هلا قلبي الله يوفقك وتطلع نتيجتك حلوه ولا تنسيني طمننيني ترى بقعد انتظرك تبشريني....اشوفك على خير حياتي..
والرساله من نفس الرقم الغريب اللي مزعجها.....هي طنشت الموضوع وقطت الجوال ع السريروراحت الهنوف تجيب النتيجه وام عبدالله قاعده تنتظرها بالصاله ويدق التلفون ..
ام عبدالله: الو
ام سعود: السلام عليكم
ام عبدالله: وعليكم السلام ... هلا والله ام سعود..اخبارك؟
ام سعود:الحمدلله بخير..كيفك انت؟
ام عبدالله :بخير ..كيف ابو سعود..وسعود..والبنات؟
ام سعود: والله كلنا بخير وانتم كيفكم ؟
ام عبدالله:والله كلنا بخير وبصحه وبعافيه
ام سعود: هااه كيف نتيجة الهنوف؟
ام عبدالله: والله مدري بعدها ما جت من المدرسه ..وغلا كيف نتيجتها؟
ام سعود: لا نجحت وجابت 97%
ام عبدالله:مشاءالله تبارك الله مبروك....وينها اعطينياها ابارك لها
غلا: خاااااااااااااااااااااااله
ام عبدالله:ههههه هلا هلا بالناجحين
غلا: هلا فيك
ام عبدالله: مبروك الف مبروك
غلا: الله يبارك فيك
وشوي وتدخل الهنوف
الهنوف(بصراخ):ماااااااااااااااااماااااااااااااا
ام عبدالله: بسم الله ....هااااااه بشري
الهنوف: اول شي تكلمين ميييييييييين؟
ام عبدالله: غلا ...
الهنوف: جيبي اكلمها
ام عبدالله: لا....وتكلم غلا..يلا غلاوي بخلي الهنوف تكلمك بعدين مع السلامه
وتقفل وتلف على الهنوف
ام عبدالله: هاااه بشري كم جبتي؟
الهنوف(مستانسه): 94
ام عبدالله: اهاا..مبروك
وتدخل ريم الصاله
ريم: كم نسبتك؟
الهنوف: 94
ريم: امممم....يمه كم نسبة غلا؟
ام عبدالله: 97
ريم:الله يفشلك ما قدرتي تشدين حليك وتجيبين نسبه اعلى وش جاب 94 لـ 97 ههه عالعموم
(وبدون نفس) مبروك...
الهنوف: الله يبارك فيك......ماما ما عجبتك نسبتي؟
ام عبدالله:لا حلوه بس تمنيتها اعلى من كذا
الهنوف: هذا اللي قدرت عليه
ام عبدالله: المهم مبرووووووووك وشدي حيلك عشان تحافظين عليها الترم الجاي
الهنوف: انشاءالله...بروح اكلم بابا
ام عبدالله: لاماله داعي هو جاي ومعه اخوانك هالحين....
الهنوف: طيب
وتروح غرفتها وتكلم رغد وطلعت نسبة رغد 100% الهنوف استانست حييييل لرغد وتدق عليها غلا وتقوم الهنوف تشبك الخطوط وتقعد تسولف مع غلا ورغد....
وشوي وتدخل عليها جود..
جود: خاله فوفو..
الهنوف: عيون خاله...
جود: ابوي جاء ..ومعه خالو خالد وخالو محمد وخالو عبادي
الهنوف:طيب هالحين بجي..وتكلم البنات...يلا بنات بابا جاء وبروح اتعسه واحطم التفاؤل اللي هو فيه
غلا:وش قصدك؟
الهنوف:ولا شي..يلا بروح
غلا:وش دخلك تروحين ابوجود اللي جاء مو ابوك
الهنوف: يا عبقريه ابوها تقوله بابا وبابا يعني ابوي اللي هو جدها تقوله ابوي وجدي تقوله جدو فهمتي والا اشرح؟
غلا:لالالا فهمت
الهنوف: طيب يلا باااااااااااااي
وتقفل من عندهم وتروح الصاله والا توه ابوها واخوانها داخلين ومبتسمين
ابو عبدالله: هااه يبه بشري
الهنوف(ومنزله راسها):94
ابو عبدالله:مبروووووووووووووووووك يبه الف مبروك
الهنوف رفعت راسها تناظر ابوها واخوانها اللي شاقين الابتسامه وتروح عند ابوها وتضمه وبعيونها الدمعه...
الهنوف: الله يبارك فيك
ابو عبدالله: ههههه وش فيك ؟
الهنوف: خفت النسبه ما تعجبك...لانه..
ابو عبدالله: لانه ايش؟
الهنوف: لانه غلا نسبتها 97
ابو عبدالله: وانا وش علي بغلا صدق بنت اخوي لكن كل واحد وله قدراته..
الهنوف: فدييييييييييت ابوي
عبدالله:خلاص يكفي تعالي بسلم عليك
وتروح الهنوف عند اخوانها وتسلم عليهم وهي مستااااانسه....
ومن بكرا يروحون بيت جدهم واول ناس يوصلون اهل غلا تدخل غلا عند جدها وهي مستانسه وتسلم عليه وهي شاااااقه الابتسامه
غلا: جدي ترى نجحت وجبت 97
الجد:لا زين زين بس لو انك جايبه 100 كان احسن يلا مبروك
غلا: الله يبارك فيك
غاده(تهمس باذن غلا):ابو التحطيم
غلا: وانت الصادقه
وشوي مهند يدخل ويسلم على جده وتدخل وراه فجر ومن جد شاااقه الابتسامه
الجد:هااه كم نسبتك؟
فجر:100%
الجد:لو جبتي اقل كنت بكسر لك راسك
فجر:ليييييييييش؟
الجد:لانك ادبي...عالعموم مبروك
فجر الله يبارك فيك
وتروح عند غلا
غلا: عادي لاتحطمين قالي لوانك جايبه 100 كان احسن
فجر:خخخخخخخخخ...الله يستر على الهنوف
غلا: ايه والله
مهند(يقط وجهه):ما اظن
غلا: اعوذ بالله وش تبي داخل عرض
مهند: اتبادل معكن اطراف الحديث
وشوي ويقوم الجد وابو مهند ومهند وابو سعود ويطلعون مجلس الرجال اللي برا
وبعد ساعه تقريبا الكل موجود الا الهنوف ومحمد وخالد ما جوا
غلا(تكلم ام عبدالله):خاله وين الهنوف؟
ام عبدالله:والله قبل ما نطلع طلعت هي مع خالد ومحمد اكيد هالحين جايين مو مطولين
غلا:امممم..طيب
وتدخل الهنوف وتسلم ع الكل وتروح عند البنات ويقولون لها على موقف جدهم
الهنوف: الله يستر وش بيقول لي؟
فجر: انت ما سلمتي عليه؟
الهنوف:لا..كان داخل عند الرجال
وشوي الا جوالها يدق محمد يقولها تجي عندهم جدها يبي يسلم عليها
الهنوف: محمد شلون اجي كلكم رجال استحي
محمد: مدري عن جدك خذي كلميه
الجد: الهنوف يبه تعالى مافيني اجي
الهنوف: يبه شلون اجي كلكم رجال
الجد: ابو فارس راح ما في احد
الهنوف:طيب فارس ومهند
الجد: اللي يسمعك يقول هذي تتغطى من هم اساسا انت وغلا وفجر متى ما بغيتوا تغطيتو ومتى ما جاء على بالكم تشيلون الغطا شلتوه والا انا غلطان؟
الهنوف:هههههههه...وانت الصادق يلا جايتك
تقفل الهنوف من عند جدها وتروح تلبس عباتها وتتحجب نص حجاب وتدخل عندهم واول ما تدخل مهند يطلع بالوجه ويسوي لها حركه بايده انه ياويلك من جدي وتقوم الهنوف تطلع له لسانها وتوخر عنه وتناظر فارس وتقوله( وهي تحرك شفايفها ): مبروك
فارس ابتسم لها....وبنفس الحركه ..الله يبارك فيك
وتوصل عند جدها وتسلم عليه وتحب راسه
الهنوف: قوه يبه اخبارك؟
الجد: بخير دامك بخير..هاه اخبار النتيجه؟
الهنوف:اممممم....94
الجد: زين زين مبرووووووك وعقبال الشهاده الكبيره انشاءالله
الهنوف(وهي مستانسه انها ما حصلت لها هواش):الله يبارك فيك
الجد: هااه وش تبين هديتك؟
الهنوف: لا الهديه نأجلها الى الفصل الدراسي الثاني
الجد: لا هالحين والفصل الدراسي الثاني هديه ثانيه
الهنوف: تسلم لي الله يعافيك...
الجد: لاتستحين مني وانا ابوك يلا وش تبين
الهنوف: عادي زي البنات
الجد:ومين قال لك اني بجيب لهم هدايا بس انت
الهنوف: هههههههههههههه......بعدين بيزعلون
الجد: مو مهم اهم شي انت
الهنوف(وتضم جدها): فديييييييييييييييت الغالي تسلم يا بعد عمري الله يطول لي بعمرك ولايحرمني منك يارب...
الجد: آآآآآمين...بس ما قلتي وش تبين؟
والا وغلا وفجر داخلين ويلاقون الهنوف شاقه الابتسامه ومستانسه ويشوفونهم محمد ومهند ويروحون لهم ركض....
محمد: يامسكينات ما عندكم واسطه
فجر: ما تهزأت ؟
محمد: الهنوف تتهزأ والله ما عندك سالفه
مهند: لاومين بيهزأها جدي ..ههه..تحلمين
غلا: خير وش معنى هزأنا حنا مع انه نسبتنا اعلى من نسبتها؟؟
مهند: لا وازيدك من الشعر بيت ...بيجيب لها هديه
محمد: بس هي لحالها
فجر: لاااااااا...مايصير
غلا: والله ظلم
محمد: قلت لكم ما عندكم واسطه
ويجي خالد
خالد: خلوها لاتخربون عليها
غلا: ايه وش عليك دام انها الهنوف لازم ما نخرب عليها
فجر: اييه الدلوعه
خالد: ول ول ول حاقدات عليها الله يحفظ اختي
فجر: والله انك رايق
غلا: ابعد شوي
وتمرغلا من بينهم وتسحب فجر معها ويقفون قدام جدهم الجد قعد يناظر البنات
الجد(يكلم الهنوف): مو قلت لك متى ما بغيتوا شلتوا الغطا شلتوه شوفي خوياتك بدون غطا
الهنوف:ههههههه....يلا السنه الجايه نلتزم بالغطا
الجد: ايه هين...ويلف على البنات......هاه وش بغيتوا؟
غلا: هديه
الجد: ما عندي هدايا...
فجر: الا عندك هذا انت بتعطي الهنوف هديه
الجد: خير انشاءالله لايكون شايفيني بابا نويل اوزع هدايا لا لالا ما اعطي هدايا لكل الناس بس اعطي هدايا للمميزين...
غلا:والله حنا مميزين نسبتنا اعلى من نسبتها وش معنى هي وحنا لا؟
الجد: والله الصراحه ما اشوف انه فيكم شي مميز..عاديات
فجر: جدي خليك عادل بينا لازم العدل
يتدخل ابو سعود
ابوسعود: طيب انتم ليش ميتات على الهديه ما عمره احد اعطاكم هديه
غلا: لايا يبه هدايا جدي غير نفعها مستمر
فجر: اصلا اللي تبيه يجيك من هدايا جدي
غلا: وبعدين طول عمره يعطي الهنوف هدايا يكفيها هالحين دورنا
ابوسعود: اكلتوني ليت اني ماتكلمت
الكل فقع ضحك
الهنوف: لهالدرجه حاقدات علي يمه منكم.....جدي طلبتك عطهم هدايا ترى هالحين يصير فيني شي من عيونهم..
الجد: دام انك تبني اعطيهم بتكون الهديه مشترك بينكم انتم الثلاثه..
غلا+فجر: طيب موافقين
خالد: من جد ميتات على الهديه
الجد : هاه وش تبون
الهنوف: مدري براحتهم
الجد: يعني انت ما تبين شي
الهنوف: لا....خلي فجر وغلا يقررون
طولوا البنات وهم يفكرون قامت الهنوف راحت داخل وخلتهم وطبعا البنات لحقوها وصلوا البنات للهديه اللي يبونها وهي طلعه للمزرعه حقت جدهم... راحوا البنات لعند جدهم بيقولون له قرارهم وخلوا الهنوف في وجه المدفع ...وعند مجلس الرجال...
الهنوف: يبه
الجد: هاه رسوا على بر
الهنوف (تكلم البنات):شفتوا يدري انه الفكره فكرتكم ليش ما تتكلمون انتم
غلا: لاما يدري
الجد: الا ادري
فجر: لا هي تقول لانه لو حنا قلنا فيه احتمال تعصب بس الهنوف تقولك مافي احتمال تعصب
الجد: اهاا..طيب يلا تكلمي يالهنوف...
ومن ورا فارس وخالد ومحمد ومهند يعلقون على غلا وفجر والبنات ودهم يصفقونهم
الهنوف: يبه البنات قرروا انهم يبون يروحون المزرعه حقتك
الجد: طيب مافي مشكله لاهي اول مره ولا اخر مره بتروحون فيها المزرعه
الهنوف: ادري بس المشكله انه ما يبون يقعدون فيها يومين كالعاده
الجد: اكثر من يومين ما في اذا يومين تقلبون المزرعه فوق تحت اجل شلون لو كان اكثر
غلا(تهمس باذن الهنوف): ترجيه..قولي لله يخليك
الهنوف: اففففف...طيب
فجر: يلا
الهنوف: يبه تكفى الله يخليك طلبتك لا ترفض خلنا نستانس اول مره واخر مره
الجد: اممم...طيب كم يوم تبون تقعدون فيها
الهنوف: من الاحد الى الخميس
خالد(يهمس باذن محمد):يانحسهم يعني يوم السبت بيطلعون من القاعه على المزرعه ما بنتظروني لما ارجع من السفر...
محمد: أي قاعه؟
خالد: ياحمار السبت عرسي
محمد: اييه صح ....يعني مابتكون معنا بالمزرعه
((( المعلومه اللي ما قلت لكم اياها انه باليوم اللي جات فيه ريم كانت ملكة خالد.. وفارس كانت ملكته بعد ملكة خالد بيومين ويوم السبت عرس خالد اما عرس فارس بيكون بالصيف لانه غاده باقي لها ترم واحد وتخلص جامعه وما تبي شي يشغلها عن الدراسه وبس)))
الجد: اممممم......عشان خاطرك يالهنوف انا موافق
غلا+فجر: يسسسسسسسسس...وناسه ...........ويحبون راس جدهم ويطلعون ركض
الهنوف قعدت تناظر جدها وهي مبتسمه ومستانسه مو لانه بيروحون المزرعه لا..مستانسه لانه جدها مارضى الا عشنها...راحت حبت راس جدها ..
الهنوف: الله لايحرمني منك يالغالي
وتروح داخل وتلاقي البزارين يناقزون والبنات متشققات من الوناسه اول مره يرضى لهم جدهم ينامون بالمزرعه خمس ايام والحريم مستغربات ....شوي ويدق محمد على جوال الهنوف..
محمد: فدييت اختي يسلم لي راسك
مهند: الهنوووووووف انت احسن وحده بالدنيا..
الهنوف: حتى انتم مستانسين ؟
محمد: ايه والله وبيني وبينك مستانسين زود عنكم
الهنوف: ليش عاد؟
مهند:هههههههههههه
محمد:هههههههه....لانه حنا بنقعد معكم بالمزرعه وما بنروح الشغل بس الكبار اللي بيروحون
الهنوف: يقطع شركم والله انكم مهبل ومجنن..
محمد: والله ودي اعطيك هديه
الهنوف: ما اقول لابس مشتركه بيني وبين البنات اللي طلعوا الفكره
مهند: محمد وش رايك نوديهم ستار بكس فجر اليوم تقولي انها مشتهيه كيكتهم
الهنوف: طيب حنا بنلبس عباياتنا
محمد: ول ما صدقت...خلاص اجهزوا على مانضبط الوضع هنا
الهنوف : طيب
وتروح تعلم البنات وطبعااصايل ومرام وغاده ودانه دروا بالسالفه ولبسوا عباياتهم
بدون ما احد يقولهم يلا .......يعني عزموا انفسهم بانفسهم..
وعند الشباب نفس الشي خالد وفارس عزموا انفسهم وطلعوا معهم..
وبالحديقه...البنات كلهم واقفين ينتظرون الشباب يطلعون..ويطلع محمد وتروح له الهنوف
الهنوف: والله مو مني هم نشبوا لي
محمد: عادي لانه فارس وخالد بيجون معنا
الهنوف: بعد....يلا نستانس كلنا
محمد: وانت الصادقه
ويروحون كلهم مع بعض...ويدخلون ستاربكس وابو الفله غاده ما كانت تدري انه فارس بيجي معهم وطول الوقت ساكته ومستحيه ولا نطقت باي كلمه وغلا وفجر والهنوف طايحين فيها تعليقات واصايل كل شوي تتهاوش مع محمد او مهند لانم يحبون ينرفزونها ...الحمدلله ما كان المكان مليان والا خوّفوا الناس اما بالنسبه للي يشتغلون في ستاربكس فهم متعودين عليهم ..
ويوم الجمعه اتفقوا البنات انهم يروحون جيان عشان يشترون الخرابيط حقت الطلعه وطبعا كل وحده قبل ما تطلع اعطتها امها ليستا من الاغراض ...البنات كلهم بجيان الا الهنوف بالبيت
البنات كل شوي يدقون على الهنوف وهي بتنتحر عيال ريم ناشبين لها الا يبون يروحون معها وريم موراضيه تبعد عيالها عن الهنوف وتخلها تروح...وشوي الا يدق جوال الهنوف وتشيله وهي معصبه وما تناظر مين اللي داق عليها.....وترد.
الهنوف: افففففف...خلاص موانتم بجيان انا هالحين جايتكم بس البزارين نشبوا لي لما افتك منهم اجيكم طيب انا مومطوله انشاءالله..ثواني واطلع من البيت
...... : اجل انتظرك بجيان
الهنوف على طول قفلت وقعدت تناظر بالجوال وهي خايفه.....شلون رديت عليه والله اني حماره ليش ما ناظرت مين اللي داق قبل ما ارد افففففففف الله يستر .....وتروح تلبس عباتها وهي تحط اغراضها بالشنطه تجيها رساله ....تفتحها المرسل نفسه الرقم الغريب ونفسه اللي ردت عليه قبل شوي ...والمكتوب بالرساله:::::: ترى من جد انتظرك بجيان وانتظر شوفتك على احر من الجمر يا قلبي:::::::.......الهنوف خافت وعصبت...وبعد التفكير قالت ماراح ارد عليه ان دق
المهم ...راحت جيان وشرت الاغراض وهو طول الوقت يدق عليها وهي حاطه الجوال ع الصامت ما تبي تبتلش ...
ورجعت البيت بعد صلاة العشاء كل الشبسات والشوكالاتات والمشروبات عند الهنوف شالتهم وحطتهم بغرفة خالد...لانه المكان الوحيد المناسب
وهي طالعه من الغرفه جاتها جود
جود: خاله فوفو وش تسوين بغرفة خالو خالد
الهنوف: هااه ولاشي...تبي تصرف السالفه...تبين تلعبين بجوالي
جود: اييه اييه اييه
الهنوف طلعت جوالها واعطته لجود وراحت غرفتها تبي تبدل ملابسها عشان تروح الصاله وتقعد مع امها وابوها وريم ومحمد اما خالد فهو طلع مع ربعه ومابيرجع الا باخر الليل
دخلت جود الصاله وهي تلعب بالجوال وكانت امها لحالها بالصاله
ريم: جود تلعبين بجوال مين؟
جود: جوال خاله فوفو
ريم: جيبيه ابيه شوي
وتاخذ ريم الجوال من جود وتقعد تفتش فيه وتلقى فيه الرسايل لانه الهنوف نست ما تمسح الرسايل اللي ارسلها لها صاحب الرقم الغريب اللي ازعجها وكل الرسايل موجوده.....وريم وهي تقرا مستانسه انها لقت شي تمسكه على الهنوف او حتى انها تغير شي بحيات الهنوف بسبب هالشي...وشوي وتدخل الهنوف الصاله.....وتلاقي جوالها بيد ريم.....وعلى شفايف ريم ابتسامه شريره.....وتخوف...
نــــــــهــــــــــــــــايــــــــــــــــــــــ ــــــة الـــجــــزء الـثــالـــــــث....
واتمنى يعجبكم.....
![][ عبدالرحمن القحطاني في ضيافة المجالس ][](http://www.d-saudi.com/up/uploads/images/d-saudie41e2c5030.gif)
