O.o°"الدنيا أخذ وعطى "°o.O

» Mïss Fōfő « · 26-04-2007, 03:37 PM

بسم الله الرحمن الرحيم..

الــــجــزء الاول...

ابو احمد:رجل كبير بالسن ماكان غني بس اشتغل وتعب الى ما صارمن اغنى واشهر رجال الاعمال في السعوديه
ام احمد:متوفيه من 3سنوات
عيالهم هم احمد(ابو عبدالله)و هدى(ام فارس)وعبدالعزيز(ابو سعود)وسعد(ابو مهند)خوله(ام بدور)
وساره(ام عمار)

بكتب لكم اهم العوائل في القصه بالتفصيل والباقي تعداد فقط(عشان ما تتلخبطون )

اولا: عايلة بو عبدالله
ابو عبدالله :رجل اعمال يحب شغله كثيروطيب ويحب عياله واحيانا يكون شوي شديد عليهم
ام عبدالله: تزوجة وهي صغيره ما تشتغل تحب اكثر واحد من عيالها محمد
ريم:متزوجه وساكنه بالرياض وعندها بنت اسمها جود(5 سنين) عبدالعزير(3سنوات)وهي حامل
عبدالله : يشتغل بشركة ابوه وابوه يعتمد عليه متزوج وحده من قرايبهم (ابرار) وعنده بنت ولد تؤام(ريان و ريناد)..
خالد:عمره 26بعده ماتزوج يشتغل في شركة ابوه ويحب اخته الهنوف كثير(طويل عريض شعره بني عيونه كباروهو شوي اسمر)..
محمد:عمره 23وهو اخر سنه بالجامعه مملوح(ابيض يهتم بنفسه كثير يعني اهم شي شكله شعره طويل وناعم واسود )ويحب بنت عمه غلا والمشكله انه راعى حركات
الهنوف:عمرها17ثالث ثانوي علمي فرفوشه (بيضا عيونها كبار شعرها اسود طويل طولها عادي رشيقه)دلوعة ابوهاوجدها واخوها خالد..
فهد: ولد خالتهم توفت امه وهو عمره شهرين ام عبدالله ارضعته يعني هو اخوهم بالرضاعه وهو ساكن بالرياض مع ابوه احلى واحد بالعايله كلها وحبوووب لكن اللي يشوفه يحسبه مغرور ومتكبر مع انه على نياته و طيوب ...

ثانيا: عايلة ابوسعود
ابو سعود:اب حنون واهم شي عنده بالدنيا بناته وولده يهتم بشغله بس مو مثل ابو عبدالله
ام سعود: شديده وقويه ووعكس ابو سعود بس طبعا دلوعها سعود اخر العنقود
غاده:اكبر وحده وتتحمل المسؤليه وحلوه وهي برابع جامعه..
غلا:ثالث ثانوي صديقة الهنوف وعليها حركات نفس حركات الهنوف هي تحب محمد بس ما تدري انه يحبها..
غزل:3متوسط مشاغبه لأبعد الحدود تحب تسوي مقالب مره فرفوشه ودايم تتهاوش مع سعود..
سعود: اخر العنقود 3 ابتدائي دلوع العايله ما ينرفض له طلب ابد

ثالثا: عايلة ابو مهند
ابو مهند:اهمل عايلته وصب كل اهتمامه على شغله وما يدري عن عياله او بيته ودايم مسافر
ام مهند: اكبر همها الطلعات وماتقعد بالبيت ابد وهي بعد ماتهتم لعيالها
مهند: 3جامعه مملوح حيل وراعى حركات وما خلى بنت ما شبك معها وصاحب محمد ولد عمه وهو بعد ما ينشاف بالبيت الا نا درا
فجر: ثالث ثانوي ادبي متحمله مسؤلية اخوانها تحبهم حيل وتخاف عليهم وهي بنت مملوحه ونعومه..
اصايل :اول ثانوي حبوبه وما تحب تدرس تحب اختها فجر واي شي خطاء يصيربالبيت تلوم امها وابوها..
فيصل:ثالث ابتدائي يحب اخته فجر متعلق فيها حيل
دانيه: اول ابتدائي حتى هي تحب اختها فجر ومتعلقه فيها

عايلة ام فارس
ابو فارس و ام فارس فارس(26سنه يشتغل) دانه(2جامعه) مرام(2ثانوي) رهف(5ابتدائي)

عايلة ام بدور
ابو بدور(خال غلا) وام بدور(عمة غلا) بدور(5ابتدائي) انفال (3 ابتدائي) وجنا(سنتين)

عايلة ام عمار
ابو عمار(حتى هو خال غلا)ام عمار(عمة غلا) عمار(3 سنوات)

**الجزء الاول**

في بيت ابو عبدالله
الهنوف توها واصله من المدرسه وطالعه الدرج وهي تعبانه فيها النوم وما صدقت وصلت غرفتها
واخذت لها شاور سريع ونزلت ركض ع المطبخ تبي تتغدى..
وتدخل المطبخ بهدوء وتلاقي امها مع الخدامات وتقول بصوت عالي
الهنوف: بوووووووووووووووو
ام عبدالله: بسم الله الرحمن الرحيم .. الناس يقولون السلام عليكم مو يصارخون..
الهنوف: هههه...سووري.... يمه جوووعاااااااانه
ام عبدالله: طيب هالحين احطلك الغدى
الهنوف: وابوي واخواني؟
ام عبدالله : ابوك ماراح يجي مشغول واخوانك بيتأخرون
الهنوف : اهاااااا طيب
ام عبدالله : الا وين رغد عنك غريبه ما جات معك اليوم
الهنوف: تقول انه امها قالت لها لاتجي عندنا لانها ماخذه يوم راحه وهي بالبيت تنتظرها
ام عبدالله : شكلها تعبانه يلا بعدين اكلمها اشوف وش فيها
الهنوف: اذا كلمتيها قولي لها تخلي رغد تجي العصر عندنا
ام عبدالله: طيب..يلا تغدي وروحي نامي
الهنوف:انشاءالله بس ما ابي ازعاج ابي ارتاح بنومتي
ام عبدالله: والله مدري من مصدر الازعاج بالبيت
الهنوف:هههههههههههههههههههههههههههههههههههه شكرا

(ام الهنوف وام رغد صديقات من ايام الابتدائي ولا افترقوا وام رغد سوريه تزوجت ابو رغد وسافرت سوريا وبعدهابسنتين لقى زوجها شغل بالسعوديه وصاروا ساكنين هنا و ام رغد تشتغل مدرسه بالصبح بالمدرسه وباقي اليوم تدرس دروس خصوصيه لان اهلها بسوريا محتاجين فصارت بنتها رغد كل يوم تروح مع الهنوف وتقعد في بيت الهنوف الى الليل وبعدين تروح بيتهاوالهنوف مستحيل تستغني عنها تحبها حيل وتعتبرها مثل اختها وحتى عايلة الهنوف يعدون رغد منهم وفيهم)

خلصت الهنوف غداها وراحت غرفتها بتنام بس ما قدرت فشالت مخدتها وبطانيتها وراحت الصاله
وانسدحت بالارض ونامت ..

عند باب البيت توه محمد داخل القراج ولقى خالد طالع من سيارته وبيدخل وقف خالد ينتظر محمد ودخلوا البيت مع بعض

محمد: هلا خالد اخبارك؟
خالد: الحمد لله وانت؟
محمد:تمام
خالد :من وين جاي؟
محمد: من الجامعه

وهم طالعين الدرج

خالد: والله تعباااااااان وزهقااااان
محمد : تعبان تغدى وروح نام اما زهقان انشاءالله نلاقي الهنوف صاحيه نستهبل
عليها نطلع لها قرون وصدقني بيروح الزهق
خالد:هههههههه لا حرام عليك
محمد: ياخي وش اسوي احب انرفزها

وشوي ويدخلون الصاله ويلاقون الهنوف نايمه ع الارض ويفقعون عليها ضحك

محمد(وفيه فكره براسه):خالد روح جيب الكاميرا
خالد: وش بتسوي؟
محمد: جيب الكامير اول وبعدين بتفهم

راح خالد يجيب الكاميرا ومحمد جاب منديل ولفه الى ما صار طويل ويدخل خالد ومعه لكاميرا

محمد: يلا صور
خالد: طيب

ويفتح خالد الكاميرا ويبدأ يصور ومحمد يمرر المنديل على وجه الهنوف وشوي عند اذنها ويرجع على وجهها
والهنوف المسكينه تحرك وجهها يمين ويسار ومحمد وخالد فاطسين عليها ضحك .... بدات الهنوف تتضايق من جد
وشوي تفتح عيونها وتلاقي محمد ماسك المنديل وتخزه ذيك الخزه وتلف وتلاقي خالد يصورها وتقوم بسرعه وتصارخ

الهنوف:خااااااااااااااالد وش قاعد تسوي لايكوووووووون تصور؟
خالد( بشوي خوف):هاااه ولاشي ما قاعد اصور
محمد:لا لا يكذب عليك والله يصور
خالد يناظر محمد بمعنى اسكت
محمد : اصلا هو قالي انه زهقان و حب يستانس ولما شافك قالي خل نستهبل عليها
خالد: يالكذاب .. ويلف على الهنوف ويقول.... الهنوف تراه كذاب لاتصدقينه
الهنوف: ما توقعت منك هالحركه يا خالد..... ولفت وهي زعلانه ومعصبه وتبي تصيح..

خالد: محمدوه قول الصدق ترى زعلت
محمد: انا ما لي دخل انت اللي زعلتها

وراح محمد وهو يضحك معه الكاميرا و يدري انه خالد بيراضي الهنوف وانه الهنوف بتدري ان الفكره من راس محمد

خالد : هنايف ... اختي
الهنوف صافطه
خالد: يا قلبي هالحين انتي مصدقه محمد
الهنوف: وليه لا مو الكاميرا كانت بايدك مو انت كنت تصور
خالد: ايه .. بس والله مو فكرتي فكرة محمد
الهنوف تناظره
خالد : يعني انت مصدقه انه انا افكر اسوي لك شي زي كذا
الهنوف: طيب ليه تعاونت معه عليّ؟

خالد : غلطه وتوووووبه ما راح اكررها بس لا تزعلين
والهنوف ماعندها غير الصفط
خالد: خلاص انا اعرف شلون ارضيك.... وش رايك اغديك يوم الخميس بالمطعم اللي تختارينه
الهنوف ابتسمت
خالد : هاه وش رايك؟
الهنوف: اممم طيب موافقه
خالد: حلو يعني رضيتي؟
الهنوف: ايه رضيت
خالد: الحمدلله دام انك رضيتي خل اروح اخذ لي شاور واتغدى وانام
الهنوف : وانا ابي اكمل نومتي
خالد: كمليها بغرفتك ما تضمنين يجي محمد ويخرب عليك
الهنوف: وانت الصادق يلا سلام
خالد: ههههه سلام

وفي بيت ابو مهند

فجر قاعده بالصاله مع فيصل و دانيه وشوي تدخل امهم لانها كانت طالعه من الصبح تسير على جاراتها
ام مهند : السلام عليكم
فجر : وعليكم السلام
ام مهند: هاه تغديتوا
فجر : ايه..
ام مهند: اجل وين اصايل ومهند؟
فجر: اصايل نايمه ومهند بعده ما جاء من الجامعه

ويدخل مهند

مهند: سلااااااااام
ام مهند وفجر: وعليكم السلام
ام مهند: وينك؟
مهند: توني جاي من الجامعه
ام مهند: اها.... اذا تبي غدى خل الخادمه تحطه لك
مهند: هههههههه.. ادري والله ادري اصلا من لي غيرها يرعاني
فجر:هههههههههههههههههههههههههههههههههههههههههههههه هههههههههههه
ام مهند: لاوالله .. وش قصدك؟
مهند: ابد سلامتك....... عن اذنكم

ويروح كل من مهند وامه لغرفته ويتركون فجر والصغار بالصاله

ومرت باقي ايام الاسبوع بطريقه روتينيه وبدون احداث تذكر

ويوم الاربعاء

بغرفة غلا تفتح غزل الباب بكل قوتها
غزل: اففففففففففففففف... زهق
غلا: وانا وش دخلني تقولين لي
غزل: والله جا على بالي اقول لاحد اني زهقانه وغرفتك كانت بالوجه
غلا:امممممممممممممم طيب وش رايك نطلع
غزل: ايه ايه ايه.... بس وين؟
غلا: مدري بس مكان نقعد فيه ونسولف
غزل:اممم وش رايك نروح ستاربكس
غلا: ايه .. طيب امي
غزل :وش فيها امي؟
غلا: مين يقولها؟
غزل:غاده انسب انسانه لمثل هذه المهمات
غلا:طيب روحي قولي لها تقول لامي وانا بتصل على الهنوف بقولها تجي معنا
غزل: الهنوف بالسالفه اجل انشاءالله بنستانس يلا انا رايحه اقول لغاده ادعي لي
غلا:ههههههههههه... طيب

وتدق غلا على جوال الهنوف بس الهنوف بالصاله مع خالد ومحمد ورغد وخلت جوالها بغرفتها

غلا:اففففففف....ليش ماترد...يلا بدق على البيت... تدق ويرد عليها محمد

غلا: الو
محمد:الو
غلا:السلام عليكم
محمد: وعليكم السلام
غلا(ما عرفت شتقول):امم......الهنوف موجوده
محمد(عرفها وفيه الضحكه على سؤالها):ايه..(وحب يحرجها):بس مين اقولها
غلا: ايه... انا غلا
محمد: هلا والله.. اخبارك غلا؟
غلا: تمام... اخبارك انت؟
محمد:الحمدلله...بغيتي الهنوف
غلا:ايه..ناديها لي اذا ما عليك امر
محمد: من عيوني لحظه

محمد:هنيف
الهنوف:خيييييير
محمد:غلا على التلفون تبيك
الهنوف: وانت من اول تسولف معها
محمد:هههههه... والله احس اني ابلشتها
الهنوف:الله يستر تلاقيها معصبه هالحين

الهنوف: الو
غلا(معصبه):وينك انت ما تردين على جوالك ؟
الهنوف:انا قاعده بالصاله مع خالد ومحمد ورغد.......ليش معصبه؟
غلا:اففف ولاشي ياربي نسيت وش ابي منك.....
ايه صح ترى بنروح ستاربكس وش رايك تجين معنا؟
الهنوف:الله وناسه بقول لأمي واكيد بتقول ايه والاقيكم هناك
غلا: خلاص حلو نشوفك هناك
الهنوف: طيب أي واحد
غلا: اللي بالشاطيء مول......ما عمري رحته من يوم ما فتحوه...
الهنوف: اها ....طيب فجر بتجي؟
غلا: مدري ما قلت لها
الهنوف: خلاص انا اقولها
غلا: اوكي...سي يو
الهنوف:سي يو

وفي ستاربكس

الهنوف: وينهم تاخروا
رغد:وانا شو بعرفني
الهنوف: جوا
غاده : السلام عليكم
الهنوف: وعليكم السلام....... هلا والله
غاده: هلا فيك اخبارك من زمان عنك؟
الهنوف:انا تمام التمام......وانت اخبارك وش مسويه مع اخر سنه؟
غاده:الحمدلله ماشيين.......الا وين فجر
الهنوف:فجرهالحين جايه و معها اصايل

تدخل فجر واصايل ويكملون القعده ضحك سوالف ووناسه

وبالليل بعد ما راحت رغد بيتها قعدت الهنوف على النت في غرفتها
وشوي يدخل خالد ويقعد عندها

خالد:هاه وين تبين اغديك بكرا؟
الهنوف:امممممممممممم....
خالد:ايه
الهنوف:امممممم.......وش رايك التنور الصيني
خالد:تدرين عاد توقعتك تقولين السمبوك
الهنوف:هههههه.....راحت عليك الاسبوع اللي راح تعشيت فيه مع ماما و
بابا
خالد:لاعاد متى؟وليش ما قلتوا لي اجي معك
الهنوف:والله انت ومحمد رحتوا عرس صاحبك وانا كنت لحالي وابوي جاء بدري
وكل هذي ظروف تخلى الواحد يطلع يتمشى ويتعشى بالمطعم ..
خالد:اها كذا يعني...طيب بكرا تكونين جاهزه الساعه 2خلاص؟
ويدخل محمد
محمد:ليييييييييش؟وش عندكم الساعه2
الهنوف: مو شغلك..
محمد: افاا...كذا يا الهنوف..
مين قالك تزعلني...

وتدخل ام عبدالله و معها عبدالله..

الهنوف: عبووودي..
عبدالله: هههههههه.. عبودي مره وحده...
الهنوف:ادلعك طيب.......والله وحشتني
عبدالله: والله انت اكثر وعلشان كذا بنام عندكم اليوم
خالد:يوه يوه وش عندك؟
عبدالله:والله المدام اختها جات من جده وقالت تبي تنام عند اهلها مشتاقه لاختها
خالد: ياحراااااام وخلتك لحالك
عبدالله:شفت شلون والله دنيا
الهنوف+خالد+عبدالله:هههههههههههههههه
ام عبدالله:: محمد يا قلبي وش فيك يمه ساكت
محمد: الهنوف زعلتني
الهنوف:يااااااااي يا مرهف الاحساس
ام عبدالله:ليش زعلتي اخوك؟
الهنوف:مازعلته ...هواللي زعلني حتى اسألي خالد
محمد:يمه بكرا عندهم شي وما يبون يقولون لي
عبدالله:هههههههههههه......وانت وش عليك
محمد:يا خي فيني فضول ابي اعرف وش مخططين له
عبدالله:وش عندكم؟
تقوم الهنوف وتروح عند عبدالله وتقوله باذنه
عبدالله: وناااسه...طيب وانا؟
الهنوف تلف وتناظر خالد وكأنها تطلب من خالد الاذن علشان عبدالله يجي معهم
خالد:ولا يهمك ليش لا حياك
محمد:لااااااااااااا..........امانه قولوا لي وش السالفه ابي اعرف
ام عبدالله:محمد ما كنت ادري انك ملقوف لهالدرجه
محمد: يمه مو لقافه اسمه فضووووووول........يلا عاد قولوا لي
ام عبدالله:والله كأنك بيبي
الهنوف+خالد+عبدالله+ام عبدالله:هههههههههههههههههههههههههههههههههههههههههه هههه
خالد:يمه وش غداك بكرا؟
ام عبدالله:والله مدري وش تبون؟
الهنوف:غريبه ليش ما تسألين ابوي؟
ام عبدالله: ابوك سافر اليوم وبيرجع السبت
الهنوف:اهااا.........وتلف على خالد وتبتسم خالد فهم انها تطلب اذن ثاني لامها
خالد:ما نبي شي لا انا ولا الهنوف ولا عبدالله اما محمد ما ندري عنه
الهنوف:لالالالالا انا بقولها
وتطب الهنوف عند امها وتقولها باذنها
الهنوف: عاد يمه بس هالمره تعاوني معنا ولا تقولين لمحمد بلييييييييز
ام عبدالله:هههههههه....طيب
خالد:يعني موافقه
ام عبدالله: ايه
عبدالله : والله من جد وناسه
محمد:يمممممممممه وش السالفه قولوا لي اماااااااانه قولوا
الهنوف:لا علشان تعرف ان اللي يزعلني هو اللي يندم بالنهايه
محمد:والله عرفت بس قولوا لي
الهنوف: لا لا لا
محمد: يمه يرضيك كذا؟
ام عبدالله: والله مو شغلي كله بايد الهنوف انا ما بتدخل....يلا تصبحون على خير
محمد: افاا يمه تتخلين عني
ام عبدالله:ههههههه......تصبحون على خير وتروح
محمد قعد يناظر خالد وعبدالله.... خالد ماسك ضحكته:birgits_g وعبدالله مبتسم
محمد:يعني ما راح تقولون.......مو مهم.......وقام بيطلع راح يمشي جهة الباب
عاد الهنوف ما هان عليها اخوها
الهنوف: محمد.......محمد
خالد+عبدالله:ههههههههههههههههه
الهنوف:لا تضحكون ما يهون عليّ
وراحت سحبت محمد وجابته وقعدته بالسرير بجنب خالد
الهنوف: المشكله انك اخوي واحبك وما تهون عليّ ازعلك
محمد:فديت اختي انا......قولي كلي اذان صاغيه
الهنوف:تذكر ذاك اليوم يوم انك وخالد اتفقتوا علي وانا زعلت
محمد:ههههههههههههههه ايه
الهنوف:فديت خالد اخوي قالي بعزمك على المطعم ان رضيتي عاد انا رضيت
محمد: اييييييه
الهنوف:ايه وبكرا الموعد و بناخذ معنا امي وعبدالله
محمد: يعني كنتوا بتروحون بتتغدون بالمطعم وانا لأ
الهنوف: هههههههه.....ايه
محمد: حراااااام عليكم انا اخوكم.......خالد ما بتاخذوني معكم؟
خالد: مالي دخل الهنوف صاحبة الراي
محمد لف يناظر الهنوف ويسوي نفسه بريء
الهنوف:روح مع اخويائك
محمد:لاااا الطلعه معكم والله احلى
الهنوف:افففف.......خلاص كسرت خاطري باخذك معنا
عبدالله:هههههههههه.....والله انك خطيره
الهنوف: ايه اعجبك انا
خالد: لحظه لحظه هالحين انت تعزمين بالناس وانا اللي بتورط وبدفع الحساب
الهنوف: ول ما كنت ادري انك بخيل لهالدرجه
خالد:هههههههههههه.....يقطع شرك خلاص على حسابي اهم شي رضاك يالغلا
الهنوف تقوم عند اخوها وتضمه :فدييييييييييييت اخوي انا
عبدالله:ههههههههه....مصلحه...يلا انا بعد بروح انام تصبحون على خير
خالد: عبدالله خذني معك
ويطلعون عبدالله وخالد وينسدح محمد على السرير
الهنوف:وش عندك؟
محمد:بقعد معك حرام؟
الهنوف: لا ابد حياك......بجيب لي سنكرس وبيبسي تبي شي؟
محمد:مدري وش عندك؟
الهنوف:كل شي......
محمد:عندك جالكسي الجديد
الهنوف:ايه...ماتبي تشرب شي معه؟
محمد:امممم.......عندك بلو كوكتيل بارد؟
الهنوف: ايه بروح اجيب لك
وراحت الهنوف جابت الاكل واعطت محمد حقه وياكلون بهدوء غريب
الهنوف حاسه انه محمد بلسانه شي يبي يقوله بس مو بعارف يسوي مقدمه فقالت اختصرله الطريق واسأله

في بيت ابو مهند

فجر: اففففف........اصايل حطي لنا فيلم او مسلسل او أي شي ثاني بدال الاغاني والله
مليت
اصايل:وش احط لك هالحين الساعه وحده كل الافلام الحلوه خلصت
فجر :اففف والله زهق
اصايل: اشبكي ع النت
فجر: ما في احد ع المسن كل صديقاتي نايمات
اصايل: طيب نامي
فجر: ما ابي انام
اصايل: مشكلتك ما لها حل
فجر:ههههه...... سخيفه

ويدخل مهند ومعه سيديات
مهند: السلام عليكم
فجر+اصايل: وعليكم السلام
مهند:وش تسوون؟
فجر: ولا شي
اصايل: مهند وش ماسك بايدك
مهند:ااااااااه ياربي على اللقافه....انت على مين طالعه ملقوفه؟
اصايل:ولا احد انا مافي احد مثلي
مهند:ياااي يا الواثقه
فجر:مهند بتطلع؟
مهند:لا....ليش؟
فجر: بس سؤال
مهند: يعني لقافه زي اختك
فجر:هههههههه....ايه
مهند: والله شكلك زهقانه ع الآخر
فجر:ايه والله
مهند: امممممممممم........عندي الحل
اصايل: يعني بنطلع؟
مهند: اقول اقعدي بس ما عندنا بنات يطلعون بالليل
اصايل: اجل وشو الحل؟
مهند: اخوكم حاس فيكم وقلبه عليكم
اصايل: ايه واضح
مهند:اكمل والا شلون؟
فجر:اصايل اسكتي... لا لا كمل
مهند:المهم انا جايب معي افلاااااااااام
فجر: اخوي حبيبي شككككككراا..

.انت احسن واحد
مهند : لا داعي لا داعي

وشوي ويدق جوال مهند ويقوم ويطلع برا الصاله
اصايل:تتحدين انه اللي داق عليه وحده من خوياته؟
فجر: لا حرام عليك لا تشكين فيه
اصايل: انا متأكده.... اسمعي بروح اجيب السيديات وبكتشف اذا كان صدق كلامي او لا؟
فجر:ههههههه......طيب

وراحت اصايل عند مهند وتحاول تسمع وش يقول ما قدرت فقررت انها تروح تكلمه

اصايل:مهند عطني السيديات بنختار فيلم
مهند: خذي
اصايل: ننتظرك

نوره(خوية مهند):حبيبي مين هاذي؟
مهند:اختي
نوره:وش اسمها؟
مهند:اصايل
نوره:اسمها حلو
مهند: طبعا لاني انا اللي سميتها
نوره: مشاءالله ذوقك حلو
مهند: اكيد والا ما كان اخترتك من بد هالبنات

واللي ما يعرفه مهند انه اصايل وقفت ورا الباب وقعدت تسمع وش يقول

اصايل (وهي جايه ركض): شفتي...قلت لك
فجر وش يدريك؟
اصايل:يقولها لو ذوقي مو حلو ماكان اخترتك من بد هالبنات
فجر: احلفي
اصايل: والله والله والله
فجر: آآه الله يهديه

نرجع لمحمد والهنوف
الهنوف: تكلم وش عندك؟
محمد:هههههههه.....اختي وفاهمتني
الهنوف: هذا شي اعرفه ابي اللي بعده
محمد:اممممممم........غلا
الهنوف: وش فيها غلا؟
محمد: مدري
الهنوف: محمد تكلم ترى ما اقول لاحد وش فيها غلا؟
محمد:اممم.....احبها
الهنوف(مستانسه):احللللللللللف
محمد: والله....ليه مستانسه ؟
الهنوف وفي بالها الحمدلله انه يبادلها نفس الشعور

محمد:هنيف وش فيك ....الووووووو
الهنوف:هااه ابد سلامتك....ايه قول بعد اسمعك
محمد:اممممم.....بس خايف ابتلش بالنهايه
الهنوف: ليه؟
محمد: انت تعرفين غلا شلون...قصدي انها بنت حلوه ومؤدبه وكلن يتمناها
الهنوف: ايه
محمد:وفيه ولد خالتها ناصر مشاءالله عليه كل شي فيه زين
الهنوف: ايه
محمد: ابد واحس انه في احتمال يعني.......يوه انت غبيه ما فهمتي
الهنوف: وش فيك عصبت
محمد: ماني قادر اوصل المعلومه وانت مانتي براضيه تفهمين
الهنوف:ههههههههههه...لا فهمت قصدك انه فيه احتمال ناصر ولد خالتها يخطبها وهي ما تلاقي فيه عيب
فتوافق هاذي معلومتك اللي تبي توصلها
محمد:ايييييييييه عليك نور
الهنوف: ما اظن
محمد: ليه؟
الهنوف: لانه غلا دايم تقول انه ناصر مثل اخوها ومستحيل يكون أي شي ثاني
محمد: هي قالت كذا؟
الهنوف: ايه وش فيك مو مصدق
محمد:لالا صدقت.....طيب فيه احد بحياتها؟يعني تحب؟
الهنوف: مدري..
محمد: عليّ اكيييد فيه وتعرفين بس ما تبين تقولين لي صح؟
الهنوف: وش فيك قلت لك ما اعرف
محمد:طيب خلاص بحاول اصدقك

وكملوا سهرتهم صلوا الفجر وبعدين محمد راح غرفته ونام والهنوف راحت نامت عند امها
ومن بكرا الساعه وحده الظهر والهنوف في سابع نومه

ام عبدالله:الهنوف.........الهنوف يلا قومي
الهنوف:اممممممم..........بعد شوي تعالى
ام عبدالله:هنيف يلا قومي الساعه وحده وخالد قال تكونين جاهزه الساعه 2
الهنوف:ايه صح .......امري لله يلا قمت

الهنوف قامت اخذت شاور وصلت الظهرو لبست واخذت عباتها وراحت الصاله
لقت خالد وعبدالله وامها جاهزين وينتظرونها هي ومحمد
وشوي وينزل محمد وشكله نفس شكل الهنوف عيونه منتفخه وفيه النوم
الهنوف:هههههههه....محمد والله اشكالنا تضحك
محمد:ايه والله هالحين نروح المطعم ونخوف الناس
الهنوف:تعال عندي فكره

راحت جابت قطعتين ثلج وحده لها والثانيه لمحمد ويحطونها على عيونهم علشان يروح الانتفاخ
وراحوا المطعم وضحك وناسه واكل وكل شوي يتذكرون مواقف صارت لهم هم وصغار....
ورجعوا البيت ويبدلون ملابسهم لان كل خميس تصير جمعه ببيت جدهم من المغرب الى الساعه وحده بالليل تقريبا...وانتهى يوم الخميس...

ومر يوم الجمعه عادي

ويوم السبت بالمدرسه في وقت الفسحه
الهنوف قاعده مع رغد وغلا وشلتهم وشوي تجي فجر ومعها اصايل بيقولون للبنات وش اكتشفت اصايل في مهند

الهنوف:اصلا قديمه مره سمعناه انا ورغد يكلم وحده بس ما قلنا لاحد
اصايل:مشاءالله اخونا وحنا اخر من يعلم

وتجي بنت(اسمها نوره) كانت دايم تناظر الهنوف وتبتسم لها و الهنوف ما تعرفها بس ترد لها الابتسامه

نوره:هلا فجر .......اخبارك؟
فجر(مستغربه):الحمدلله تمام
نوره: وانت الهنوف اخبارك؟
الهنوف: تمام..
نوره:الهنوف ممكن اكلمك شوي.....
الهنوف: طيب.......وتقوم معها ويروحون بعيد شوي
نوره: الهنوف ممكن رقم جواك؟
الهنوف: ليه؟
نوره:الصراحه حسيت انك بنت طيبه وحبوبه وابي اتعرف عليك واصير صديقتك
لاني ابي ابعد عن صديقاتي انت شفتيهم حركاتهم شلون
الهنوف:ايه صح ....طيب خذي رقمي*******050
نوره: خلاص انشاءالله اكلمك اليوم

وترجع الهنوف عند الباقيين
فجر:الهنوف وش كانت تبي منك نوره ؟
الهنوف:تبي تصير صديقتي
فجر: اها وانا اقول غريبه ما زمان ما سلمت عليّ طلعت تبيك
الهنوف: ليش انت تعرفينها؟
فجر:ايه...كانت من اعز صديقاتي بس تغيرت وصارت حركاتها ما تعجبني فتركتها الهنوف انتبهي منها..
الهنوف: اصلا هي قالت لي انها تبي تتغير وتترك صديقاتها
فجر:الله يسمع منك....

نهاية الجزء الاول

تتوقعون وش بيصير لمحمد وغلا؟
ومين تطلع نوره وهل بتغير بالقصه شي؟
توقعاتكم للجزء الجاي

هالجزء تقريبا ما فيه شي مهم قاعده اعرفكم شلون الاجواء صايره في اهم البيوت بالقصه
وراح تلاقون الحماس بالاجزاء الجايه انشاءالله

حلمها وردي · 27-04-2007, 09:04 PM

أحلى شيخه ...
تسلمي يا قلبووو على مجهودك ...
راح اقرأها ..
دون اتصال ...
..
..

وننتظر البقية بشووووق

حلمها وردي · 28-04-2007, 08:44 PM

اتوقع غلا راح تقولها الهنوف انه محمد يحبها
...
..
.

اما نوره شكله حكايتها حكايه

..
يلا شيخه ننتظرك يا الغلا

» Mïss Fōfő « · 28-04-2007, 11:38 PM

فدييييييييت قلبك حلمها وردي...

والله استانست حيــــــــــــــــــــــــل بوجودك..

ومستعده انزل القصه كلها لو لك لحالك...

بالنسبه لنوره فحكايتها حكايه من جد...

وربي يسلمك قلبو....

» Mïss Fōfő « · 29-04-2007, 12:13 AM

الجزء الثاني لعيونك حلمها وردي..( ولاني يمكن ما راح ادخل لفتره طويله

)

الجزء الثاني

الهنوف راجعه من المدرسه وهي ماره من الصاله لقت امها قاعده وشكلها زعلانه من شي

الهنوف:هايات ماما
ام عبدالله: وعليكم السلام
الهنوف:ههههههه.....وش فيك متكدره؟
ام عبدالله تقول بخاطرها شكلها ما درت
الهنوف:مامااااااا........وش فيك؟
ام عبدالله:هااه ما فيني شي بس مصدعه شوي
الهنوف:بسم الله عليك ما تشوفين شر يا قلبي
ام عبدالله:الشر ما يجيك ....روحي بدلي علشان تتغدين وتلحقين تنامين
الهنوف:لا باخذ راحتي عندي كلاس اليوم الساعه ثلاث ونص وعلى ما اتسبح وابدل واتعدل يبيلي ساعه وهالحين الساعه 2 يلا يمديني
ام عبدالله:اهاا اجل يلا تحركي
الهنوف:طيب........امممم ماما مشتهيه اتسبح بالمسبح
ام عبدالله:تسبحي بالمسبح احد ماسكك
الهنوف:لا ما حد ماسكني بس لازم اقول لاحد
ام عبدالله:ايه طيب روحي تسبحي

وتروح الهنوف تاخذ اغراضها وتروح للمسبح وقعدة على طرف المسبح
وشوي يجي محمد ويدخل الصاله ويلاقي امه قاعده

محمد(يضم امه):يمممممممه حبيبتي اخبارك
ام عبدالله:هلا هلا قلبي انا بخير اخبارك انت؟
محمد:انا بخير دامك بخير
ام عبدالله:تسلم يا بعد قلبي........وتسكت بحزن
محمد:يمه وش فيك؟
ام عبدالله:هااه....لا ما فيني شي سلامتك
محمد:عليّ...يلا عاد وش فيك يمه ترى خوفتيني
ام عبدالله:ام رغد....وتتنهد بحزن
محمد:ايه وش فيها
ام عبدالله:كلمتني اليوم وتقول ان ابوها تعبان وبتروح سوريا عنده....وزوجها لقى له شغل هناك ويعني بيسافرون كلهم وبيقعدون هناك....
محمد:وبتاخذ رغد معها
ام عبدالله:أيه....اكيد
محمد:اهاااا.......والله مدري وش اقول
ام عبدالله:والله اني بشتاقلها
محمد:كلنا بنشتاقلها تعودنا على وجودها هي ورغد
ام عبدالله:شايله هم الهنوف
محمد:ليش ما تدري
ام عبدالله:ما اظن جايه من المدرسه مستانسه...... عاد ما عمرهم افترقوا حتى بالاجازه كنا نسافر مع بعض او نروح معهم سوريا
محمد:ايه والله بتروح فيها ان درت
ام عبدالله:انت لاتعلمها
محمد:اكيد ما راح اعلمها ......المهم وينها هالحين اكيييييد نايمه
ام عبدالله:لا بالمسبح تبي تتسبح
محمد:والله من زمان عن المسبح بروح انا بعد بتسبح

وياخذ محمد ملابسه ويبدل بغرفته مره وحده ويدخل المسبح ويلاقي الهنوف قاعده على الطرف حب يخوفها لف من ورا الى ما صار وراها ويصارخ
محمد:بوووووووووووو
الهنوف:واااااااااااااااااااااااااااااااااااااااااا اااااا
تطب ع المسبح محمد فاقع ضحك وهي مسكينه خلاص كانت بتموت من الخوف
الهنوف: محمد ووجع يالشييييين يالشرير والله خوفتني
محمد:هههههه ......وهذا هو المطلوب
الهنوف:ها ها ها ها سخييييف
محمد:آآآآه لو شفتي شكلك ههههههههه والله يضحك
الهنوف:يلا فارق....بس تدري عاد بيجيلك يوم يا محمدوه وبشنوف من اللي يضحك بالآخر
محمد:هههه..طيب

وكملوا تسبح ومحمد كل شوي يضايق الهنوف هي ودها تصفقه ومع ذلك مستانسه على انه عندها اخو مثل محمد على الرغم من انه يأذيها ويسوي لها مواقف شينه بس تحبه موت وما تتخيل حياتها بدونه....

بيت ابو مهند
بغرفة اصايل
اصايل:افففففف يا ربي خلااااااااااص عجزت
ويدخل مهند

مهند: وش فيك صوص؟
اصايل:ما عرفت احل هالمسأله يا اخي صعععبه
مهند:اشوف

تعطيه اصايل الكتاب ويقراها مهند وبعد ثواني

مهند:والله المسأله مو صعبه بس انت الغبيه ما تعرفين تحلينها
اصايل: وش اسوي انا اذا عقلي ما يفهم هالاشياء
مهند:اجل عقلك وش يفهم؟
اصايل:عقلي يفهم كل ماهو جديد
مهند(بغباء):هااه.....شلون ؟
اصايل وبخاطرها يوه هالحين انا اللي تورط وش اقوله انا غبيه ما افهم لالالا اهانه اصايل(ترقع):قصدت حينما قلت جديد انه ما افهم هالاشياء القديمه انا افهم بالتكنولوجيا الحديثه فهمت والا اشرح بعد
مهند:اقول اعترفي انك غبيه وبس؟
اصايل:طيب اعترف اني غبيه بس حل هالمسأله
مهند:لحظه امي مو حاطه لك مدرسه ليش ما تحلها لك
اصايل: هي بكرا بتجي وهالمسأله واجب الله ياخذ هالواجبات
مهند:قلتي تفهمين بالتكنولوجيا الحديثه صح؟
اصايل:ايه
مهند:سؤال..ما وصلك اختراع اسمه تلفون
اصايل(تستهبل):لا وصلني اختراع اسمه جوال
مهند:وش رايك تستخدمين هالاختراع وتتصلين على مدرستك وتخلينها تحل لك الواجب
اصايل: ايه والله صح ما جت هالفكره على بالي بس ليش ما تحله انت مو تقول سهل
مهند:طيب جيبي

وياخذ مهند الكتاب ويحل لها المسأله (اصايل ما اقترحت هالاقتراح الا لانه وراها مصيبه....قبل يومين مهند شرى لاصايل بطاقة شحن بس هي الله يحفظها خلصت الشحن وما عندها ولا هلله برصيدها وما تبي تقوم تدور رقم المدرسه فقالت اختصار للوقت مهند يحل الواجب)
مهند:خذي حليته
اصايل: امداك تحله
مهند:قل اعوذ برب الفلق من شرما خلق بسم الله عليّ قولي ماشاءالله
اصايل: يمه اكلتني حبه حبه تعرفني انا رقيقه
مهند:ايه بالحيييل....المهم قولي مشاءالله والا بصير زيك ما عرف وين ربي حاطني
اصايل:طيب مشاءالله مشاءالله
مهند:زين...وين فجر؟
اصايل:مدري يمكن بغرفتها
مهند:لا شفت غرفتها ما في احد
اصايل: اممم بالصاله
مهند:ولا بالصاله
اصايل:بالمطبخ
مهند:اقول بقعدين تعددين غرف البيت ما بتخلصين...جيبي جوالك بدق عليها
اصايل:ليش مو من جوالك ؟
مهند:جوالي مقفل وساعه على ما افتحه
اصايل:اجل من جوالك الثاني
مهند:اففف الثاني بالسياره
اصايل:اجل تلفون البيت
مهند:اففففف منك..........
واصايل على بالها انه خلاص بيفتح جواله لكن تشوفه قاعد يتلفت كأنه يدور شي
مهند:ايه هذا هو.......ويروح عند سرير اصايل وياخذ الجوال
اصايل(برعب):لالالالالالالا
مهند:ليش؟
اصايل(ترقع):مافيه شحن
مهند(يناظر الجوال):لا مليان.......ويدق ويحط الجوال على اذنه
بعد ثواني
مهند:اصايلوه.......وجع....مو توني شاحن جوالك شلون خلص الشحن
اصايل:.....................
مهند:تكلمي ربي ياخذ بليسك ابي افهم تكلمين مين طول الوقت؟
اصايل: صديقاتي
مهند:وصديقاتك ما تشوفينهم بالمدرسه تكلمينهم طول الوقت
اصايل: الا اشوفهم
مهند:اجل ليش تكلمينهم مو معك بنفس الفصل
اصايل:الا معي
مهند:اجل ليش تكلمينهم طول الوقت؟
اصايل:الواجبات والدروس
مهند:ليش مو بتلفون البيت؟
اصايل:....................
مهند:طبعا ساكته ما عندك شي تقولينه..لكن والله العظيم يا اصايل ان سويتيها مره ثانيه ما تلومين الا نفسك ترى الشحن مو ببلاش
اصايل(تصارخ):ليش انشاءالله تشتري لي بفلوسك والا حنا ما عندنا فلوس لو ابي اشحن كل يوم ما في احد يمنعني الحمدلله الخير واااجد
مهند:اعطيني كف احسن......تدرين عاد الشرهه مو بعليك عليّ انا اللي قاعد اكلمك
ويطلع ويخليهاوهو معصب
اصايل:افففففف.....اكيد زعل....بالطقاق
وتطلع من غرفتها وهي معصبه وتلاقي ابوها بوجهها
اصايل(وهي فاتحه فمها شبرين):بابا
ابو مهند:ايه وش فيك متفاجأه؟
اصايل:لا بس من زمان ماشفتك ..........وتروح تضم ابوها
ابو مهند:ههههههههههههههه
اصايل:بابا...وينك من زمان عنك
ابو مهند:ليش محتاجه شي تبيني؟
اصايل:لا سلامتك انت مو مقصر معنا بشي الله يعطيك العافيه
ابومهند:اجل وش تبين فيني ؟
اصايل:لابس من زمان ما قعدنا معك ولا سولفنا
ابو مهند: عندكم امكم تسولف معكم
اصايل:ايه صح
ابومهند:طيب وش فيك كنتي طالعه من غرفتك معصبه
اصايل:مهند هاوشني
ابومهند:ليش؟
اصايل:لانه شحن جوالي قبل يومين وانا خلصت الشحن
ابومهند:اها...طيب ما عندك شحن هالحين؟
اصايل:لا ما رضى يجيب لي
ابومهند:خلاص روحي مع السواق واشترى لك
اصايل:ماعندي فلوس
ابومهند:طيب .......ويطلع بوكه ويعطيها خمسميه
ابومهند:هااه يكفي
اصايل:اييييييه
ابو مهند:خلاص متى ما بغيتي تشحنين قولي لي وانا اعطيك
اصايل:الله يطول بعمرك ويحفظك ويعافيك
ابومهند:هههههههه......كل هذا علشان الشحن
اصايل:لا لانك احلى ابو في الدنيا
ابومهند:طيب وين مهند؟
اصايل:لييييييييييييش؟
ابومهند:ليش اللقافه؟
اصايل:هههههههه.......مقبوله منك
ابومهند:المهم ان شفتيه قولي له يمر عليّ ابيه ضروري
اصايل:طيب.....انا بروح هالحين مع السواق اجيب لي بطاقة شحن تآمر علي شي
ابو مهند:سلامتك.....بس لا تنسين تقولين لمهند
اصايل:على خشمي يلا سلاااام
ابو مهند:هههههههه سلااام

وتروح غرفتها وتاخذ جوالها وتلبس عباتها وتطلع وهي نازله بالدرج تقابل مهند
مهند(معصب):وين رايحه
اصايل:مو شغلك
مهند(يمسكها من ايدها):بلا قلت ادب ويلا انقلعي فوق ما في طلعه
اصايل:آآآآآآآآآي اترك ايدي وبروح غصب عنك
مهند(يصارخ ويضغط على ايدها):قلت لك انقلعي فوق
اصايل:آآآآآآآآآآآآآآآآآآي مو بكيفك ابوي قالي روحي
وينزل ابو مهند ويلاقي مهند ماسك اصايل وهي تصيح
ابومهند(بصراخ):مهند
مهند يلف على ابوه
ابومهند:اترك ايد اختك
مهند:تبي تطلع
ابومهند:خلها انا اذنت لها
مهند ويترك ايد اصايل وتروح ركض عند ابوها وتتمسك ذراعه وتصيح
ابومهند(يمسح على راسها):خلاص بابا ما له داعي الصياح
اصايل:بابا عورني
ابومهند:ولا يهمك هاذي اخر مره ما راح اخليه يعيدها
اصايل ترفع راسها وتمسح دموعها وتناظر ابوها وتبتسم
ابومهند:ايه كذا صح يلا انت روحي واشتري اللي تبينه
اصايل:فديت الغالي انا مشكوووررره .......يلا بااي
ابومهند:هههههههه...... بااااي

وتنزل من الدرج وتمر عند مهند وهو يناظرها باستحقار واستغراب يستحقرها لانها كسرت كلامه ومستغرب لانه يشوف ابوه ولاول مره يعامل واحد من عياله بهاللطف

ابومهند(بحزم):مهند
مهند: سم يبه
ابومهند:لما تبدل تعال وراي المكتب ابيك
مهند:انشاءالله
ويروح ابو مهند جهة مكتبه

مهند:وش فيه لبسي ليش يبيني ابدله والله حلو
وكان مهند لابس بلوزه سودا وعليها رسمة وجه بالذهبي من ورا ومن قدام ما فيها شي غير كتابه بسيطه بالذهبي من فوق على حنب وبنطلون خصره نازل

وراح مهند بدل لبس له ثوب طلع فوق بالدور الخاص بابوه وصل عند باب المكتب
واخذ نفس عميق وطق الباب

ابومهند:ادخل

دخل مهند بهدوء وقعد بالكرسي اللي قدام ابوه

ابومهند:مهند اخبار دراستك
مهند:الحمدلله ماشيه تمام
ابومهند:ابي الصدق لاني ابتكلم معك بجديه
مهند:ايه والله الحمدلله دراستي زينه
ابومهند:كم يستلزم منك الوقت علشان تدرس؟
مهند:لما ارجع من الجامعه انام واقوم اخر العصر وبعدها اذاكر الى قريب العشاء
ابومهند:يعني ثلاث ساعات تقريبا
مهند:ايه لكن ايام الاختبارات ان كان عليّ اختبار اقعد طول اليوم اذاكر
مهندبخاطره:وش عنده يسأل غريبه
ابومهند:حلو....طيب انت ما في نيتك تعتمد على نفسك
مهند:الا انشاءالله بعد ما اخلص دراسه بشتغل
ابومهند:طيب ليش ما تشتغل وتدرس مع بعض
مهند:بس بقصر بواحد منهم
ابومهند:اسمع وانا ابوك انا ابيك تشتغل معي بالشركه و تساعدني
مهند:ودراستي؟
ابومهند:موانت تقول الدراسه ما تآخذ منك اكثر من ثلاث ساعات
مهند:ايه
ابومهند:اجل اسمع..بعد ما ترجع من الجامعه تريح شوي وبعدها تجي عندي ولما تخلص ترجع البيت وتذاكر
مهند(تعفس وجهه)في خاطره:شلون يعني ما في طلعات ولا سهر
ابومهند:هههههههه.....لا تخاف انا ابيك من السبت الى الاربعاء ودوامك راح يكون الى الساعه ثمان او تسع يعني يمديك تلحق على ربعك
مهند(ارتاح شوي):امممم....مدري براحتك
ابومهند:انا ياولدي ابيك تكون يمي شوف عمك احمد مشاءالله عياله عبدالله وخالد دايم معه ومن فتره كلمني وقالي انه بيخلي محمد يداوم معه علشان يتعلم
وحتى لو محمد ما داوم يكفيه عبدالله وخالد وانا مالي رجال غيرك وابيك تتعلم الشغل ما ودي اموت وانت بعدك ما تعلمت اصول الشغل ترى مالامك وخواتك غيرك من بعدي ...
مهند:الله يحفظك ويطول بعمرك ...وانشاءالله مابيصير الا اللي تتمناه
ابومهند:كفو وانا ابوك خلاص اجل من بكرا اذا ما عندك شي تداوم
مهند:خلاص خير انشاءالله تآمر على شي
ابومهند:سلامتك

ويطلع مهند من عند ابوه وهومن جد مستغرب ويدق على محمد

مهند:الوووووو
محمد:هلا هلا
مهند:اخبارك؟
محمد:بخير.....وينك يالقاطع من زمان ماشفتك؟
مهند: بهالدنيا.....ههههههه
محمد:هههههههه.....والله كأنك ابوي
مهند:ايه صدق عمي احمد قالك تداوم معه
محمد:ايييييه
مهند:وانت وافقة
محمد:ايه غصب عني..قالي ما في مصاريف سفر انت تصرف على نفسك
مهند:ههههههههههههههههههههههههههههههههه
محمد:ايه اضحك وش عليك مرتاح الاخ
مهند:لاوالله ابوي توه مكلمني يبيني اداوم معه من بكرا
محمد:بتداوم؟
مهند:ايه
محمد:حركتات اجل ماني مداوم لحالي
مهند:ايه بس بقضي طول الوقت مقابل خشتك
محمد:مالت عليك يحصلك .....المهم تعال انا والشباب بالراشد
مهند:طيب ابدل واجيكم
محمد:خلاص اجل ننتظرك
مهند:يلا باي
محمد:باي

وفي عند غلا وبالصاله

غلاماسكه التلفون تكلم الهنوف وام غلا وغاده يسولفون وغزل تناظر التلفزيون
غاده:يمه وش اخبار خالتي ؟من زمان ما شفناها
ام سعود:بخير....بس مشغوله ببيتها قاعده تسوي فيه تعديلات
غاده: يوه ليش بيتها يهبل ماله داعي
ام سعود:لا بتسوي جناح لولدها
غاده:ناصر؟
ام سعود:ايه تقول تبي تزوجه
غاده :اهاااا
غزل:مين بيتزوج؟
غاده:وش دخلك يالملقوفه؟
غزل:يلاعااد قولي
غاده: ماني بقايله
غزل:موبلازم.....ماما مين بيتزوج؟
غاده:يمه لاتقولين لها
غزل:يانحسك يالنحييييييسه
غلا:بناااااات اسكتوا خلوني اسمع البنت
غزل:اففففففف........انا زعلت
غاده:احسسسن........وتلف على امها..وش كنا نقول؟
ام سعود:ايه صدق ترى جدك تعبان وقاعد بالبيت لحاله
غاده:ليش وش فيه؟
ام سعود:مدري والله بس تعبان

وشوي تجيهم غلا

غلا:يمه تقول الهنوف ان جدي تعبان وهي هالحين بتروح عنده مع امها
ام سعود:ادري
غاده:ليش ما نروح حنا بعد؟
ام سعود:بكرا خميس وبنروح كلنا......وبعدين ان رحنا كلن بيجي وبنسوي ازعاج وجدك يبي يرتاح
غاده:ايه صح

يوم الخميس

الساعه 11ونص الظهر في بيت ام فارس عمة الهنوف
بغرفة دانه

ام فارس:دانه .......دانه....يمه يلا قومي
دانه:الساعه كم؟
ام فارس:الساعه 11ونص
دانه:يمه بدري
ام فارس: يلا قومي ترى بنروح بيت جدك بنتغدى هناك
دانه:اها طيب قمت
ام فارس:يلا انا بروح بقوم خواتك

وتروح ام فارس غرفة مرام ورهف علشان تقومهم وهي بالممر يدخل فارس

فارس:يمه قومتي البنات؟
ام فارس:هذا انا بروح اقوم مرام ورهف الله يعني عليهم
فارس:انت لك رهف سهل امرها انا اللي بقوم مرام
ام فارس:يكون احسن والله اني كنت شايله هم قومتها
فارس:افا عليك لا تشلين هم وانا موجود

ويروح فارس غرفة مرام ويفتح اللمبات والستاير ويروح عند راس مرام

فارس: مرام.......مرام.......مرام
مرام..............................(لا حياة لمن تنادي,,,في سابع نومه البنت)
فارس:مرامووووووووووه.......مراااام
مرام:...(تنقلب للجهه الثانيه)
فارس:يوه ....مرام يلا قومي ترى بنروح وبنخليك
مرام:وين؟
فارس:هالحين تردين لان السالفه فيها طلعه
مرام:ويييين؟
فارس:وتنافخين بعد ..اجل ماني قايل لك قومي وانت تعرفين
مرام:مو بلازم اعرف مابي اروح
فارس:احسن اقعدي بالبيت لحالك كلنا بنروح حتى ابوي
مرام:طيب قمت...(وتقعد)...بس قول وين بنروح
فارس:بنروح بنتغدى في بيت جدي
مرام:ليش؟
فارس:جدي تعبان
مرام:احلف.....من متى؟
فارس:من يومين...والهنوف بنت عمي وامها راحوا عنده امس ناموا هناك بعد
مرام:ايه صح ترى الهنوف عندها غرفه هناك
فارس:وانت وش اللي قاهرك؟
مرام:لان جدي ما رضى لاي احد انه يكون عنده غرفه في بيته غير الهنوف
فارس:طبعا الهنوف دلوعته
مرام:ياحظها
فارس:قولي مشاءالله لا تحسدين البنت وقومي تجهزي عندك الى الساعه 12ونص
مرام:انشاءالله يمديني
فارس:ول ساعه ما يمديك....والله انتم يالبنات مدري شلون..يلا قومي بس

يطلع فارس وتقوم مرام وعلى الساعه وحده تقريبا طلعوا من البيت

في بيت الجد
غلا واهلها داخلين وبدخلتهم وصلت عمتهم ام بدور ويدخلون مع بعض على الصاله

وبالصاله
كانت الهنوف وجدها وابوها وامها واخوانهاوزوجة عبدالله وعياله قاعدين يسولفون
ويدخلون البنات يسلمون على جدهم وعمهم والهنوف وامها
ام سعود-ام بدور-غاده-غزل-بدور-انفال وماسكه اختها الصغيره جنا-واخر وحده غلا لانها كانت تكلم ابوها

سلمت غلا ع الكل ووصلت عند الهنوف
غلا:هلا ...اخبارك؟
الهنوف:تمام....تعالي اقعدي بجنبي

وتقعد غلا حنب الهنوف.....وفيه عيون تراقبهم....انتبهت غلا

غلا(بهمس):الهنوف
الهنوف:هلا
غلا:وش فيه محمد يناظرنا ؟
الهنوف:هههه....ولاشي
غلا:مافي تقولين لي
الهنوف:قلت لك ولا شي
غلا:مو مشكله بعدين اعرف

ويقومون الرجال يروحون مجلس الرجال اللي برا بس يقعد الجد يبي الباقيين يجون علشان يسلم عليهم مره وحده

شوي ويوصلون الباقيين عايلة ابومهند-وام فارس-وام عمار

ويسلمون الحريم على الجد ويروح الجد عند الرجال ويقعدون الحريم سوالف
ويطلعون البنات من عندهم ويروحون المقلط والبزران يروحون صالة الالعاب

وضحك وسواف الى وقت الغدا وتقوم غاده

غاده:بنات انا بروح اشوف اذا يبون مساعده
دانه:جايه معك

ويروحون المطبخ وتدخل غاده اول شي وما كانت تدري انه فيه احد بالمطبخ

غاده:تدرين دانه والله اني مشتهيه.........وتشوف واحد واقف

فارس لف جهة الصوت لقى غاده واقفه متجمده ...غاده ماهي بقادره تتحرك
وتدخل دانه :وش فيك تجمدتي.........وتطقها على كتفها

غاده حست ان ضربة دانه صحتها...وتلف تناظر دانه وتناظر فارس وترجع ركض

تطل دانه داخل المطبخ تلاقي اخوها قاعد ورايح بعالم ثاني

دانه:ههههههههههههههههههههههههههههههههههههههههههههه هههههه
فارس:ليش تضحكين؟
دانه:لى اشكالكم مسكينه غاده تلاقيها ذابت من الحيا
فارس: طيب روحي شوفيها
دانه:اول شي انت ليش هنا؟
فارس:دخلت الاكل
دانه:انت اللي جبته من المطعم؟
فارس:ايه
دانه:اهاا....هههههه انا بروح اشوف وش صار على غاده

وهي طالعه تلاقي غاده قاعده ع الدرج وحاطه ايدينها على وجهها

دانه:غاده وش فيك؟
ترفع غاده راسها ووجهها احمممممممر

دانه:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه:hysterica

غاده:ليش تضحكين يالدبه مافي شي يضحك

دانه:ههههههههه آآاه آآه والله اشكالكم ابو الفله تفقع ضحك
الولد هناك بعالم ثاني وانت الدنيا عندك حمرا

وتطلع عمتهم ساره(ام عمار وهي بعدها صغيره علشان كذا مايقواون لها عنه) من الصاله
ساره:وش فيكم؟
غاده:ولاشي
ساره:لا والله حطي عينك بعيني ..يلا اشوف
دانه:هههههههه...انا اقولك وش صار دخلت الاخت المطبخ وكان فارس هناك
ساره:وشافها؟
دانه:ايييييه
ساره:بهالكشخه؟
دانه:هههههه ايه
ساره:لا عز الله رحت فيها ياولد اختي
دانه:ايه والله....دخات المطبخ والرجال بعاااالم ثااااني
ساره:زين بعده ما تزوج
غاده:لاااااااااااااااا خلاص.......وينقلب وجهها احممممممر
ساره+دانه:هههههههههههههههههههههههههههههههههههههههه هههه
الهنوف+فجر+غلا:ترى سمعنا
غاده:بعد....يافضيحتي
الكل الاغاده فاقعين ضحك
دانه:انا بروح اتطمن على اخوي
ساره:بجي معك

ويدخلون المطبخ وبعده فارس موجود

دانه:انت للحين قاعد
فارس:هاه وش صار على غاده
ساره:شايل همها
فارس:اوه سويره يا هلا وغلا
ساره:هلا فيك ولد اختي.......وتسلم عليه
دانه:والله يا فارس لو شفت شكلها المسكينه صارت حمممرا
ساره:مين قالك ما شافها ...وتلف على فارس...شافها وبقوه بعد
فارس ابتسم
ساره+دانه:ياعييييييييييييييييني
ساره:وش رايك نخطبها لك
فارس:ما اقول لا
ساره:اكششششششخ........حركات خلاص بقول لامك
فارس:ههههه
ساره:يا حليلك يا فارس
فارس:اقول لا تسوين نفسك كبيره تراك اكبر مني بسنه بس
ساره:اكبر منك بيوم اعرف منك بسنه

كملوا سوالف وبعدين تغدوا وقاعدين اللي يسولف واللي شابك ع النت واللي يلعب وطبعا البنات(الهنوف-غلا-فجر-دانه-غاده-مرام-غزل-اصايل) زهقوا من القعده فقاموا يسولفون عن اشياء سخيفه من زود الزهق

الهنوف:تدرون ان محمد صوته حلو
فجر:حتى مهند صوته حلو
غزل:ابي اسمع اصواتهم
الهنوف(في بالها فكره):تذكرون الميكرفون اللي اذّانا فيه حارس المزرعه
البنات:هههههههههههههههههههههههههههههههههه
اصايل:هههههههه....ايه وش فيه؟
الهنوف:مو لما اشتكيت لجدي منه شاله من المزرعه
مرام:ايييه
الهنوف:هالحين وينه
مرام:مدري والله
الهنوف:بسأل جدي

وعند الرجال سوالف عن شركة فلان وعلان
والشباب ابو الزهق عندهم يبون أي شي يسليهم
والا تدق الهنوف على محمد وينتبه مهند وياخذ الجوال ويرد على الهنوف

الهنوف:حمود عطني جدي
مهند:بكم؟
الهنوف:يلا عاد عطني جدي
مهند:ابي مقابل

محمد انتبه لمهند

محمد:مهند تكلم مين
مهند:الهنوف
محمد:خيييير
مهند:والله دقت على جوالك وانت ما انتبهت وانا زهقان قلت استهبل عليها

والهنوف تسمع و في خاطرها خير انشاءالله كل من هب ودب يبي يستهبل على

الهنوف(تصارخ):مهندووووووووووه

مهند:آآآآآى......اذني نعم خير وش تبين؟
الهنوف:ابي جدي
مهند:وش تبين فيه؟
الهنوف:وانت وش عليك

محمد يسحب الجوال من مهند

محمد:نعم
الهنوف:محمد ابي اكلم جدي
محمد:وش تبين فيه؟
الهنوف:ماكنت ادري ان الرجال فضوليين
محمد:يلا عاد تكلمي
الهنوف:ماني بقايله
محمد:ما بعطيك تكلمينه اجل
الهنوف:انت بتدري اولا واخيرا فاعطيني جدي وبعدها بتدري وش السالفه
محمد:طيب

ويروح محمد عند جده
محمد:جدي الهنوف تبيك.......ويمد له الجوال

الجد:هلا ببنيتي
الهنوف:هلا فيك
الجد:آمري وش بغيتي
الهنوف:ما يآمر عليك ظالم بس بغيت أسألك وين الميكرفون اللي اخذته من راشد حارس المزرعه
الجد:والله يا الغاليه ان ما خانتني الذاكره فهو في مستودع القراج
الهنوف:معه السماعات
الجد:يمكن
الهنوف:طيب جدي ان لقيته ممكن نستخدمه
الجد:خذي راحتك
الهنوف:فدييييتك يبه تسلم يالغالي
الجد:افا عليك كم الهنوف عندي
اهنوف:تسلم يا قلبي انت والله اني احبك......تآمر على شي
الجد:سلامتك
الهنوف:الله يسلمك

ويعطي الجوال لمحمد

محمد:جدي الهنوف وش بغت منك
الجد:وانت وش عليك
محمد:هااه....لا ابد سلامتك

ويرجع محمد لعند الشباب ويقعد بجنب مهند

محمد:مهند.....حنا فضوليين مره؟
مهند:لا بس الناس صاروا قاسيين
محمد:ايه والله..............دنيا

خالد وفارس فقعوا ضحك على كلامهم الموب مفهوم

نرجع لعند البنات

الهنوف:بنات الي بتستغنى عن الكشخه في سبيل الوناسه تقوم

غلا-فجر-اصايل-غزل-مرام-دانه قاموا

الهنوف:غاده ما بتقومين؟
غاده:لا
غلا:كل هذا علشان كشختك يعني
غاده:طبعا
الهنوف:ايه ما تدرين بعد يمكن يصير موقف وتتحتاج كشختها فيه
غاده صار وجهها احممممممممر
غلا+الهنوف+فجر+دانه فاقعين ضحك عليها
غاده:اقول روحوا شوفوا شغلكم

الهنوف :يلا بنات

البنات ورى الهنوف وموبفاهمين شي
وصلوا البنات القراج ودخلت الهنوف وتدور وتدور وتدوروبعد فتره تصارخ
الهنوف:لقييييته...لقيته .....بنات تعالوا شيلوا معي
ويدخلون البنات وتأشر لهم على مايك واسلاك وسماعات كبار
ويشلونها والهنوف تشتغل بالاسلاك وتشبك وتفصل وحوسه ولا وحده من البنات فهمت الفكره اللي براس الهنوف وبعد نص ساعه تقريبا

الهنوف:يلا بنات شيلوا معي
ويشلون البنات السماعات واصايل مريحه نفسها ع الآخربس شايله المايك الى ما وصلوا مقلط البنات ويحطون السماعات وتفتح الهنوف الشباك وتطلع المايك الاول الى ما وصل للارض وتطلع الثاني الى ما وصل الارض وتروح تجيب زي المسجل الصغيروتحط فيه شريط موسيقي بدون اصوات(يعني ما في احد يغني بس موسيقى)
وتشبكها بالسماعات قعدت تناظر بالحوسه اللي سوتها لقت ان كل شي تمام وراحت اخذت جوالها وتدق على محمد وتقوله يطلع لها

بالحديقة الهنوف تنتظر محمد

محمد:وش بغيتي؟
الهنوف:محمد زهقان؟
محمد:انت هالحين جايبتني من هناك علشان تسأليني اذا زهقان والله ماعندك سالفه
الهنوف:طيب رد عليّ وش بتخسر ان رديت
محمد:اييييه بالحييييييل
الهنوف:طيب اذا قلت لك غني لنا بتغني؟
محمد:يمكن ليش لا
الهنوف:فيه رجال عندكم؟
محمد:كلنا هناك رجال
الهنوف:لالا قصدي بابا وعمي والابس انتم يالشباب
محمد:لابس حنا
الهنوف:حلو........وترفع له المايكروفونين.....امسك
محمد:وش ذا؟
الهنوف:مايك
محمد:ادري انه مايك...بس ليش؟
الهنوف:علشان تغني لنا انت ومهند
محمد:اهاااااا........بس يبيلنا موسيقى
الهنوف:موجوده
محمد(وبدأيستانس على الفكره):وسماعات علشان تسمعون
الهنوف:انت بس اعطيني اشاره انك بتبدا تغني علشان اشغل الموسيقى ولا تشيل هم أي شي طيب؟
محمد:طيب....بس الاسلاك توصل لنا والا نجي هنا
الهنوف:لالالاتوصل
محمد:اجل بغني انا ومهند
الهنوف:بس قبل ما تغني قول لي وشي الاغنيه علشان اعرف أي نوع من الموسيقى احط خلاص؟
محمد:على خشمي

ويروح محمد عند مهند ويقوله الفكره ومهند مستانس وكل واحد منهم مسك مايك

عند البنات االهنوف جايه ركض تفتح السماعات والا محمد يقول 321ينقال يجرب المايك مهند يكمل استهبال654 ويضحكون

محمد:بلغ حبيبك

الهنوف فهمت قصده وتحط موسيقى تناسب الاغنيه

والبنات مو فاهمين شي ما غير يسمعون صوت مهند ومحمد يستهبلون وشوي يسمعون موسيقى وبيدأون محمد ومهند يغننون بلغ حبيبك

وهنا البنات انجنوا
ما جت الفكره على بال احد وبدأت الهنوف ترقص وشوي تقوم غلا وفجر وباقي البنات واصايل تجي تعلي الصوت وتبدا السهره على قولتهم

والا تدخل ساره والامهات

ام سعود:وش عندكم؟

تنقز اصايل وتوطي الصوت وهدوووء

ام عبدالله:لحظه لحظه لحظه الصوت مو غريب عليّ..........ولدي محمد
الهنوف:ايه
ام عبدالله:ليش يغني؟
الهنوف:كان زهقان فستأذنا من جدي على السماعات وركبنا كل شي وتبرعوا الشباب انهم بيغنون لنا
ام فارس:وفكرة مين ؟

البنات كلهم يناظرون الهنوف وهي رفعت صبعها بكل بطء
الهنوف:انا
ام سعود:والله عليك افكار
ام عبدالله:اقول اصايل عليّ الصوت ابي اسمع صوت ولدي

اصايل ما كذبت خبر وراحت علت الصوت

ساره :طيب يلا رقصوا

عاد البنات ما صدقوا احد قالهم ارقصوا وقاموا يرقصون

وبعد ساعه من الوناسه والرقص تعبوا الشباب وهم يغنون

محمد(يتكلم بالمايك):سمعنا اشاعه تقول انه العجايز موجودات
الحريم+البنات:هههههههههههههههههههههههههههههههههههه ههههههههههههه
محمد:عاد ولا وحده منكم رحمتنا وقالت مساكين هالشباب من اول يغنون ولا فكرتوا تعطونا فرصه نرتاح او نرقص
مهند:وعقاب لكم....حنا يالشباب بندخل عندكم وتحطون بدال شريط موسبقى بس شريط اغاني خليجيه.......لاننا
محمد+مهند:نبي نرقص
محمد:نتكلم من جد.....ولا تقولون وين نودي البنات يتغطون ويقعدون او يفارقون برا لاني ابي ارقص مع امي
محمد يكلم مهند: اللى يسمع يقول انه يغطون مننا البنات...
الحريم بعد ما تشاوروا وافقوا على الفكره ودخلوا الشباب (محمد-مهند-فارس-خالد-عبدالله)قعدوا يرقصون والبنات مساكين قعدوا يناظرون بس الى ما صارت الساعه تسع ونص ولا احد داري عن الدنيا والا يدخل جدهم ومن جد صار هدووووووو

ولا احد عارف وش ممكن يصير وش مزاج الجد يمكن يكون معصب ويسوي مصيبه او يمكن يكون مروّق ويعدي الموضوع على خير.....هدوء مو طبيعي بس لازم احد يتحرك...الجد قاعد ينقل نظراته بين الجميع الى ما وصل لعند الهنوف واول ما طاحت عين جدها عليها

الهنوف:يبه حياك ادخل........وراحت لعند جدها ومسكت ايده وتمشيه معها الى داخل المقلط وقعدوا..

الهنوف:جدي ممكن نكمل
الجد:انت وش تبين؟
الهنوف:اللي يريحك
الجد:راحتي من راحتك
الهنوف:فديييييييت جدي انا......خلاص شغلوا بس لا تعلون الصوت مره ما ابي راس جدي يعوره من الصوت
الكل ساكت ولا احد استوعب ان الهنوف سيطرة على الموضوع

الهنوف:وش فيكم؟ يلا كملوا؟
وتروح وتفتح المسجل والسماعات وتقصر الصوت شوي

ويرجعون لحالتهم الطبيعيه يرقصون ويستهبلون الى الساعه عشر ونص

الجد:يلا يكفيكم الرجال اكيد ينتظرون العشا

الحريم راحوا جهة المطبخ والشباب راجعين المجلس والبنات راحوا الصاله مكان الحريم والهنوف اخذت جدها وراحو غرفته

الهنوف: عسى ما انزعجت يبه
الجد:لا والله استانست
الهنوف:ايه الحمدلله
الجد:بس الفكره حلوه
الهنوف:طبعا هاذي من افكاري
الجد: علشان كذا حلوه
الهنوف:تسلم لي يبه الله يخليك ولا يحرمني منك
الجد:آمين
الهنوف:طيب يلا خذ هذا الدواء علشان ننزل نتعشى وترجع تاخذ باقي الدوا وتنام
الجد:يلا
الهنوف:طيب تبيني اقول لهم يطلعون لك عشاك
الجد:ليش؟
الهنوف:اخاف انك تعبان وان نزلت تتعب اكثر
الجدك لا وانا ابوك ما فيني الا العافيه
الهنوف:طيب يلا

وياخذ جدها الدوا وينزلون يتعشون وبعد العشا كلن تجهز وطلع وركب سيارته

ابوعبدالله:الهنوف......الهنوف
الهنوف(تطل من فوق):نازله..نازله...................وتنزل الهنوف وهي لابسه بيجامتها
ابوعبدالله:اجل بتنامين هنا اليوم؟
الهنوف:اكييد
ابو عبدالله :براحتك....وين ابوي؟
الهنوف:فوق بغرفته

ويطلع ابو عبدالله عند ابوه ويطق الباب
الجد:ادخل
ابو عبدالله (يدخل):هاه يبه بغيت شي مني قبل ما اروح
الجد:لا يابوك سلامتك
ابوعبدالله:ع العموم ان بغيت شي بلغ الهنوف هي بتنام هنا اليوم
الجد:الهنوف؟
ابوعبدالله:ايه الهنوف
الجد(يبتسم):فديتها الغاليه.....احمد اسمعني يابوك انتبه للهنوف زين ولا تزعلها تراها غاليه على قلبي حيل
ابوعبدالله:غاليه علينا كلنا
الجد:الله يقويك...
ابوعبدالله:يلا اجل مع السلامه
الجد:الله معكم

وينزل ابو عبدالله ويلاقي غلا قاعده مع الهنوف

ابوعبدالله:غلا ما رحتوا
غلا:اهلي راحوا..وانا بقعد مع الهنوف ما بخليها بلحالها
ابوعبدالله:ايه بس لاتسوون ازعج خلو جدكم يرتاح
الهنوف:انت تآمر امر
ابوعبدالله:يلا مع السلامه
الهنوف:مع السلامه بابا وتصبح على خير

ويطلعون كلهم وتروح الهنوف تطل على جدها وبعدين تروح تطلع بيجاما لغلا ويقعدون بغرفة الهنوف ويسولفون

وشوي الا

يدق جوال الهنوف

غلا:الهنوف ردي على جوالك ازعجنا
الهنوف:ما ابي هذا رقم غريب صار له كم يوم وهو يدق
غلا:طيب اعطيه واحد من اخوانك يتصرف معه
الهنوف:كل ما ابي اعطيه محمد انسى بكرا انشاءالله المهم شفتي محمد اليوم
غلا:اييييييييه
الهنوف:هههههههههههههههه
غلا:ايه صدق اليوم اول ما وصلنا يوم اني سلمت على جدي وبعدين قعدت جنبك ومحمد كان يناظرنا تذكرتي
الهنوف:ايه
غلا:ليش كان قاعد يناظرنا
الهنوف: يمكن جا على باله يناظرنا
غلا:لاوالله عليّ يا هنيف
الهنوف:وش فيك ؟
غلا:الهنوف امانه قولي

وبعد زن وحن الهنوف تعبت

الهنوف:خلااااااااص يكفي
غلا:طيب قولي
الهنوف:اف الولد يحب ويبي يشوف حبيبته عندك مانع
غلا:وش وش ......قصدك؟
الهنوف(بابتسامه شريره):قصدي واضح

غلا ما عاد ينسمع لها صوت سكتت مره وحده

الهنوف:ههههههههههههههههه.......
غلا:الهنوف امانه لا تكذبين عليّ قولي الصدق
الهنوف:والله اني ما اكذب محمد يحبك
غلا:مين قالك؟
الهنوف:هو بنفسه........خلاص ارتحتي خليني انام

ونامت الهنوف و خلت غلا بعالم ثاني

نهاية الجزء الثاني

O.o°"الدنيا أخذ وعطى "°o.O

مجلس القصص والروايات