يوميــاتــي ~*

الهنــووف · 20-02-2008, 08:59 PM

الأثنين 18-2-2008

رحت المدرسة اليوم و أنا كلش مالي خلق .. و ربي كرهي لبنات صفي كل يوم يزيد / و مب قادرة .. خلاااااااااااااااااااص !! .. نفسيتي صايرة زفت
و حدث لين الحين على حالتي وياها ، ما أكلمها .. لين الحين منقهرة منها على سالفة صرصورتي ، مع انها حاولت اتكلمني بس انا ما اسويلها سالفة .. و حمحمه بعد داومت اليوووم .. بعد جبدي و الله واااااااااااايد استانست يوم شفتها
رحت و لويت عليها بقوة و تحمدت لها عالسلامة

في الفسحة اليوم رحت عند صرصورتي و يلست وياها ، سولفنا اليوم واايد و ضحكنا << كنا متونسين و عقب رحنا نتمشى شوي في الساحة

إلا .. نسيييييييييييت .. خخخخ
قبل الفسحة كان علينا عربي ، و خذينا الدرس .. و طول الحصة و أنا مهسوم نغني
أنـا : حبيبي يا حبيبي ..
مهسوم : كتبت اسمك
أنـا : على صوتي ..
مهسوم : كتبته في ..
أنا : جدار الوقت ..............الخ !
كنا معلقين على هالنية لأن مهسوم كانت مصرة الا تحفظها لأنها متراهنة مع خزانة على حفظها خخخخ << مينن !! .. و قبل لا يدق الجرس بربع ساعة قلنا حق الابلة اتطلعنا عشان نروح المقصف .. و بعد حن و زن .. طاعت << يحليلها و الله .. هبلة واايد و على نياتها ..!
فقالت التي تريد ان تشتري تقف عند البااااب << كله ترمس فصحة !
و انا و حمحمه ركضنا بدفاشة .. جااااااااااااااان اتزحلق ..

طراااااااااااخ .. بوم
دعمت الجدار .. و حطت على ركبي بالقوووووووووووو
و حمحمه طاحت علي ! تهئ
خخخخخخخخخخخخ و البنات السبلان ميتين من الضحك علينا و الابلة تضحك بعد .. و تقول انتوا شباب مو بنات !!

المهم عقبها طلعنا و شفت صرصورتي في المقصف و تميت وياها ..
فيوم طلعنا للساحة شافتني اكلم حصابي (ربيعتي) عن الفايل الازرق .. و بعدين رحت لصفهم .. و خذيته ،، و انا طبعا ً ما كنت ابي صرصورة اتعرف أي شي عن الفايل .. او تقراه .. بس حكم القوي على الضعيييف .. سحبته مني بقوة .. و ماقدرت آخذه عنها

اففففففف .. ابيييييييييييييه << و الله كنت بصييييييييييح .... اول شي قلت برايها .. خل تاخذه .. بس تذكرت اني كاتبة عنها في الفايل .. و مادري ليييش .. بس ما بغيتها تقرا أي شي عن تفهمني غلط !!

بس ما طاعت .. افتضح سري مالت علي .. جان انا ويه اسرار !!
المهم رحت عند حمحمه و خزانة .. و هي راحت عند ابلتها .. و بعدين رجعت و هيه يايه صوبي و فاتحة يدينها تبي تلمني !!!!!!!!!!!!!!!!!!!!!!!!!!!
استغربببببببببببت .. اول مرة اتسويها !! خخخخخ بس تميت اضحك .. و كنت مستانسة الصراحة
و تمينا حاضنين بعض و انا مييييييييييييته من الضحك .. و اقولها بس هديني .. و هي مب طايعة << خبله هع !!
اتقولي خدج حاار كشخه !! طاع هاي خخخخخخخخخخخخخخخخ .. قسم بالله خبلة
و شعفور واقفة تتطالعنا .. و تسوي حركات << كأنها تقول انتوا مجانييين !! .. صح كلامها .. مجانيين خخخخ

دق الجرس و رحت صفي .. و راحت صفها .. كان علينا احيا ، و المس خذتنا لحديقة المنتدى

عاد اول شي عنود انسدحت على الحشيش اونها تسوي رياضة
و راحت خزانة و انسدحت حذالها
اشوي الا لقيت نفسي يمهم .. خخخخخ
اتخيلوا .. الحشيش كله مااي و سماد .. و الشمي ساااطعة خخخخخخخخخخخخخخخ
<< و ربي مجانين .. و اتعطرنا بعطر فرنسي يدييد هع
و عقب يت عبقور اتطل علينا .. جان تجي بعطس (وحده في صفنا) .. و عقتها .. و هاييج سوت ساااااااالفة هع
و بعطي اتقول انتي كل يوم اتسوين رياضة في البيت .. سوي هني بعد .. و عبقور اشوي و بتصييح خخخخخ
و نحنا ميتين من الضحك عليها << تستااهل الحيوانة
فأنا قلت لها << لبعطس .. خليها .. ترى بتيب لج الشرطة << اذكرها بسالفة صرقة الايميل ههههههاي ..

و ماشي والله .. يومنا مر جذه .. ونااسة يعني ..
رجعت البيت .. و في السيارة .. ماما قالت لي اننا بنروح القرية اليوم .. اللـــــــــــــــــــــــــــــــــــــه كشخه .. العالمية .. ونااااااااااااسة هع هع ..
اتغديت .. و يلست عالنت (عشان ما ارقد) و بعدها اتكشخت .. و طلعنا من البيت .. في الدرب قالت لي ماما اننا بنروح مول الامارات مو القرية .. انقهرت شوي .. بس في ثواني رجعت ضحكتي هع .. مول الامارات .. بعد وناسة

مرينا على مرت خالي .. و سبيجة بنت خالوهـ يعد جت معانا (كانت بايته في بيت خالي)
رحنا .. و دخلنا المحل الل كنا نبيه .. اللي ماراح اقول اسمه هع .. ماما و سبجوهـ خذن فساتين .. و بعدين رحت انا لمحل ثاني بعد ما بقول اسمه <<هع .. و خذيت لي بنطلون جينز .. و سبجوهـ خذت بدي فوشي ،،
و من أول ما دخلنا المول لين ما طلعنا و احنا ميتين من الضحك .. و ربي انواع الاستهبااااال // المول كان فاضي و نحن ماخذين راحتنا في السواليف بصوت عالي .. و الضحك
و نحن نمشي في انحااء المول هع .. شفنا عرض اثيوبي عالمسرح << رقص هههههههههههاي .. اثيوبيين و اثيوبيااات يرقصووون خخخخخخخخخخ
قسم بالله يانا هلكنا ضححححححححكككك هع .. على كيف كيييييييفكم .. زين ان المسرح ما طاح .. كلهم ما شالله شالين من الوزن .. يمكن همممم خلووني اتذكر .. يمكن مال 90 و الا ميه << الحريم .. و الا الرياييل .. يحليييلهم عصااقيل هع

خشينا عمارنا انا و سبيجة بين الهنود المتيمعين بس عشان سبجوه تبا تصور حق المنتدى .. طلعت كيمرتي انا بعد و صورت .. خخخخ اوني كنت ابا احط الصور اهني .. بس اترددت .. خخخخخ و عقب ما حطيتهم .. كنت بعيشكم الجو صح .. خخخخخ
المهم .. تمينا نصووور و نصووور ..
أنــا : سبجوه اشم ريحة صناااااااان
سبجوهـ : جب لاه .. خليني انصور .. بعدين شمي الريحة
أنـا : طاع هاااي .. ايي انا بسير عند قوم ماما .. ماروم اتم .. بختنق .. << اللي كانت ريحته خايسة شك في عمره و اتطالعني بحقد .. الله يغربلكم .. هندي وصخ .. ريحتك خايسه ،، طبعا ً ما قلت هالكلام بصوت عالي .. بس رديت له النظرة .. و رحت هع
و ماما و مرت خالي ميتين من الضحك .. اونه شكلج من بعيد مبين عليج انج شامة ريحة خايسة .. فضلعنهم ..
و بعدين الله يسملكم .. رحنا صوب الالعاب و المطاعم ،، لعبنا الصغارية .. (اخوي الصغير و عيال خالي) و يلسنا اول شي في كوفي شوب .. و بعدين رحنا نتعشى .. انا و سبجوه و ماما و مرت خالي طلبنا من نيويورك فرايز .. و الصغارية من ماكلونالدز

يلسنا ساعة و نص جذه جدا المطاعم <<سوالف و بعدها وصلنا سبجوه و مرت خالي البيت .. و رجعنا بيتنا .. و انا فرحانة .. كانت طلعة اتونس بصرااحة

بس ريووولي منكشرة من الكعب ..

أح .. ركبتي بعدها اتعورني << وارمة خخخخخخ
الله يعيني باجر .. الحصة الاولى رياضة .. و الابلة الخايسة تركضنا 4 مرات عالملعب .. اونه تسخين خخخخ .. مالت على ويهها .. الله يعين

همســـة ~*

ليه أحس و انا اشوفك حزين . و قلبك الليلة بهمك ممتلي
كانها الفرقى طلبتك حاجتين . لا تعلمني و لا تكذب علي
" بدر بن عبدالمحسن "

5-12-2006
الثلاثا

الهنــووف · 20-02-2008, 09:01 PM

الثلاثاء .. 19-2-2008

نشيت الصبح و ريولي صدق اتعورني << و انا راقدة نشيت أكثر عن 5 مرات .. و ريولي فيها شد عضلي >> ماكنت رايمة امشي .. فقلت ما بداوم // و تذكرت ان مهسوم و صرصورة بعد ما بيداومون !!

فقلت ما بروح !! .. نزلت و قلت حق ماما و رجعت نمت ، عالساعة 11 .. نشيت و نزلت ، شربت عصير برتقال و شفت التلفزيوون .. حطيت على قناة المختلف // كانوا حاطين أمسية شعرية جديمة لسليمان المانع و عبيد الأزما
و فتحت اللاب توب ؛؛ ((مسنجر و مننتدى)) المنتدى مافيه حد .. يمكن عضوين و الا ثلاثه !! و المسن بعد مافيه حد

الكل في المدرسة و الا الدوام .. الا بنت عموتي كانت اون لاين بس ما كلمتها << مسوتلها بلوك خخخخ

تميت احوس في المنتدى ، اقرا القصايد اللي فيه / و اشوف المواضيع الخاصة بشاعر المليون ،، و مريت على قسم الالعاب ، و تميت احط ردود .. 22222222 /// 33333333 ::: ياحيي قمر اربعطعشر هع ..

<< خخخ و ربي سخافة .. بس يلا .. نقضي وقت
دخل عضو يوم شافني العب .. و تم يلعب وياي .. يحليله طيووب .. بس حسيته مغازلجي شوي خخخخخخخ

و انا الصراحة .. سايرته هع << ملل ملل .. خخخخخخخ
و تمينا نلعب سوى لين الساعة 2 يمكن .. و طلعت بعدها .. تغديت و حطيت التلفزيون على قناة السعودية // و شفن نعم و لاء / و عقب رحت اسبح .. و الله طفش اليوم .. مارحت المدرسة .. و ما صار لي شي في البيت

دقت مرت خالي ~ و تميت ارمسها قالت لي اقول حق ماما نروح القرية اليوم / فقلت لها ان ماما قالت لي اننا بنروح يوم الاربعا .. يعني باجر // لأنها اليوم بتظهر ويا بابا // و تمت اتسولف شوي .. و بعدين ياها عميل

<< داقه علي من الدوام >> ... فاضطرت اتبند عشان اتشوف شغلها

و عدى اليوم اكثر عن ممل

ماصار أي شي .. موليه ما ذاكرت

يلست عالنت طول الوقت

دقيت حق دنتوسه أكثر من مرة بس ما ردت عليه

و قمر حصلتها في المنتدى ، و زعلت علي .. تقهر الصراحة .. وااايد تغااار ، و تزعل على أتفه الأسباب !!!!
أنا ماداني هاالطبع (الزعول)
الحياة حلوة و كووول .. افففف .. و الله حااالة !
رقدت اليوم رقااد اليهد .. و لين الحين فيني رقاااد
ناشة الساعة 11 و رديت رقدت من الساعة 3 لين 7 // و الحين الساعة 10 .. و فيني رقاااد خخ

برقد برقد أحسن ..

أصبــح علــى خيـــر ~

همســة ~*

ليه أخونك ..؟
و إنت روحي و الجسد .. و قلبي مافيه غيرك أحد

ليه أخونك ..؟
و أنا قلبك و روحك .. و أنا ساكن عيونك ~

ليه أخونك ..؟
تكفى لا تتبع ظنونك ..

ليه أخونك ..؟
و أنت شمسي و القمر
و أنت ياللي معود عيوني عالسهر ~

~ ليـه أخونك !!

19-9-2006م

الهنــووف · 20-02-2008, 09:04 PM

الأربعـاء .. 20-2-2008

نشيت الصبح .. و رحت المدرسه .. كعادتي !!
دخلت و انا اخلاقي واصلة خشمي
مالي خلق أحــــــــــــــــــــــــد ..
سلمت على البنات .. و قعدت بروحي ،، يت سمكه (وحدة في صفي) و قعدت يمي .. و تمت تسولف و تخربط
و انا مااالي خلق .. بس ابتسمت في ويهها و قلت لها ترى راسي يعورني .. و مالي خلق الهذرة من صباح الله !!
المهم .. يت شعفوور و حدث و دودة و خزانة و حمحمه و مهسوم .. و الكل

دخلنا الصف ، كان علينا عربي
الله يقطع ابله العربي على سوالفها اللي ما تخلص خخخخخخخخخخخ
اول ما دخلت قالت لي اروح لسيارتها و اييب لاب توبها / رحت و يبته !!
<< الهبله طلعت ما اتعرف اتشغله خخخخخ .. يلست شعفور بما ان انا ماكان لي خلق .. و فتحت اللاب توب الا طلع مافيه جارج خخخخخخ و الجراجه ما تدري وينها !!
خخخخخخ
المهم .. كان درسنا اليوم قصيدة .. اسمها الطين لايليا ابو ماضي .. والابله مصرة الا تباني انشد
يا عمي صوووووتي نشااااااااااااز نشاااااااااااااااااااااااااز !! بس مو راضية تصدق
لأن مهسوم الحيوانة اتقولها ان صووتي حلو خخخخخخخخخخخ
بعد عذاب و موت .. ما طعت

قامت حدث و هي مستقويه .. اونها بتغني .. و نحنا ميتين من الضحك .. اذا صوتي انا كان نشااز .. فهي صوتها مصييييييييييييييييييييييبه !! هع .. بس المشكلة انها مصدقة عمرهاااااااااااااا و تتحرى صووتها واااايد حلو خخخخخ

من قالت اول كلمة .. نقعنا من الضحككككك و هي تكمل .. و الابلة فرحاااااااااااااااااااااانة و نحنا هلكانين .. خخخخخخخخخخخخخخخخخ

عقب قامت يوتي تنشد و هاي ولعنتيييييييييييين خخخخخخخخخخخخخخخ

و بعدها قامت كركم .. عاد هاي الصراحة فلم خخخ .. اونها مركبة على القصيدة لحن يالتاكسي خخخخخ
و نحنا تمينا ننشد وياها خخخخخ و الابله اتسكتنا على بو ان اللحن مال اعراس .. و نحنا اكبر طااف

خلصت الحصة ..

و عقبها خذينا اقتصاد .. و بعدين فسحة .. و طواااااااااااااااالي عند صرصوووورتي
ما اترييت دقيقة وحدة ..

فدييييييييييت قلبها و الله .. اتونس يوم اروح عندها .. و تميت معاها وربيعاتي يشوفوني و يسوولي حركات و انا ميته قهههههههر .. حتى قلت لها شوفيهم الخياس شو يسوون .. و قالت لي طنشيهم طنشيييهم
و الله يقهروووون ..
تدرون حدث لين اليوم ما اكلمها .. و شعفور جنها في الطريييج << اخاف حدث اتقولها شي .. و الله يقهرووون
عطوني حل لو عندكم .. دخييييلكم

تدرووون .. و الله امر في حالة نفسية ما يعلم فيها حد و الله
يعني اتخيلوا .. انا انسانة واايد اجتماعية .. و احب الكل .. و عندي ربع هاااااااااااااااااااااااااااااااااااااااااااااالكث ر ..!
و فجأة .. و في غمضة عييين .. اشووف الكل متغير .. الكل غييييييييييييير
اشوف كل ربيعاتي .. عدواااتي .. اكرههم .. اكررررررررررررررررررررررررررههم !!!!
و من عقب الفسحة .. و انا مودي رجع اخس عن الصبح
و الله دموعي كانوا متيمعين في عيووني .. و لين احينه و الله .. انا ربيعاتي ما يهونون عليه !! بس انا اللي هنت عليهم .. لا تقولولي يبت الرمسة حق عمري ..! لالاااااااء
و لا اسمح لأي حد يتكلم عني .. و يقول ان وصخة ..
بس المشكلة انهم اتكلموا

انا ما قلت لكم سالفة علقم .. بس بقولها الحين .
الله يسلمكم كان في وصفنا وحدة اسمها ام غدير .. كانت اقرب انساااانه لي فالصف
الكل كان يتحرانا خوااات .. يشبهونا في بعض .. ينادونها ام الهنووف .. و ينادوني ام غدير !!
يلخبطوون بيننا كانوا
دايما كنا سوى
كل شي انسويه ويا بعض !!
بس
في لحظة
مدري هالحقيرة اشقالت لها .. خلت مخها ينجلب عليه
و بعدين ردت مرة ثانية حلوة و حبوبة معاي
بــس .. من عرفت صرصووورة .. صداقتنا انجلبت فوق حدر .. و ما قامت اتكلمني .. و دووم اتقولي انا اغاار من صرصوووره .. و اتحط لي توبيكات في المسن مثل السم .. !!!
بس طنشتها
و بعدين .. على ايام امتحانات الكورس الاول .. الادارة زخوا صفنا يغش .. ثالث ثنوي .. و يغشووون
يالمصيييييييييييبه
زخونا وقالولنا اتكلموا .. منو غش و منو ما غش

المهم .. في بنات كلوها و في بنات طلعوا منها << و انا وحدة منهم !
ام غدير كانت من الناس اللي كلوها .. و نقصوها 50 درجة .. طبعا ً أثر على نسبتها وااايد
و علقم قالت لها ان ام الهنوف اتكلمت عنج .. و قالت انج غشيتي .. و كلام ثاني مادري شو هوو !!
اهي وحدة وخسرتها بسبب علقم

بعدين .. عالكورس الثاني .. << يعني الحين
اول شي راحت عند مدرسة التاريخ <اللي انا احبها مووت و هي تعرفني زيين> .. و قالت لها ان زرعة و شعفوور دايما ً مع بنات اول ثنوي . و ماندري شو يسوون << كانت تقصد ان نحنا وصخاات و شاااذااات !! << كل من يرى الناس بعين طبعه !! و تحمد ربها ان نحنا ساكتين عنها الـ ... خلوني ساكته أحسن !

المهم .. ابله التاريخ كلمت شعفور .. و انا هدتني

و عقب فترة .. كلمتني انا .. وقالت لي انا اعرف انتي شو طينتج .. و علقم شو طينتها .. و خبرني عن كل اللي قايلتنه علقم .. و ان هي السبب في ان ام غدير انتقلت .. و في ان ام غدير تركت صداقتي
و انها تطلع عني رمسة ..!
آآآآآآآآآآآخ يالقهر .. آآآآخ يالقهههههههههههر

و غير المشاكل اللي سوتها لدووودة .. و باقي البنات ..!
تدرون كانوا بيفصلوونها .. بس ردى حظنا . و حسن حظها .. ان المدرسة اللي كانوا بيودونها لها ما قبلوها
معروفة و انا اختكم .. مسود الويه الكل يعرفه و محد يبيييه !!
اللهم عافنا مما ابتليتهم

المهم .. انا لييش منقهره من بنات الصف .. لأن الكل معاها عادي .. و لا جنها مسوية شي الحيوااانة !!
الا انا ..!
انا الوحيدة اللي ما اكلمها !
حتى شعفووور اللي اتأذت منها .. و زين ان سمعتها ماراحت وطي بسببها اتكلمها عادي .!....!
انا جذا ما يعيبني ..!
موووليه ما يعيبني .!.؟
و غير سالفة حدث !!
يوم يت و قالت لي طحتي من عيني .!.؟ .. على نفس السالفة .. تتحراني اسوي الوصاخة ويا صرصوورتي
و الله حرااام عليهم .. و الله
و شعفور مادري شو بلاها .. و خزانة مودها اليوم موووليه ماكان اوووكي

و انا وااايد اتضااايج لضيييجها

ياربي .. لالا ما بصيييح .. ماااابي اصييييييح ..

صحت ..

آآآخ .. ما يسووونج يا أم الهنـــوف .. ما يسوون دمعة من دمووووعج
انتي دوومج قوية .. والكل يعرف ان أم الهنـــوف قوية .. و ما يهزها رييييح !
عشان هالخياس تصيحييين ..! لالالا
ما يصيييير
آآآآآه بـــس ..
آآآه .. يا ريتني ما كنت قوية .. يا ريته قلبي كاان حسااااس .. و كان يصيح طوااالي
و على أتفه الأسباب .. يمكن ما كنت بضااايج جذاا
يمكن في أشياا ثانية بعد مضايجتني
لا مو يمكن .. الا اكيييد
اشيا و اشيااا
الشكوى لله بس
الواحد لما يكون مرتاااح في كل نواحي حياته .. و فجأة
و بدون سابق انذااار ~
يخسر كل شي
عشقه .. اصحابه .. ثقته في الناس .. و في نفسه !
صعبة .. حييييل صعبة ..!
و المشكلة لا صار ما يقدر يشكي لأحد .. ما يقدر
!!!!!
مدري وين وصلت .. و مدري شقاعدة اقوول و اخربط
و مابي ارد اقرا اللي قاعدة اخربطه !

بس يمكن بجذا ارتاااح ..
لا ..

لا

ما اظن

همســـة ~*

لا يشغـلك قــول واشــي
القــول خــداع
مافـي دروب المحبـة
حاجـز و ممنــوع !!

.. اهديها للكـــل .. للكـل بدون استثنــاء .. !

دلوعه الشرقيه · 20-02-2008, 11:58 PM

ياحبي لـــــــــك والله

راح اقرا واجيـــــــــك ركض بالرد

خفوق الـــروح · 21-02-2008, 01:33 AM

اقتباس:

المشاركة الأصلية كتبت بواسطة مغرورهـ [عزيزي الزائر يتوجب عليك التسجيل للمشاهدة الرابطللتسجيل اضغط هنا]


	دخل عضو يوم شافني العب .. و تم يلعب وياي .. يحليله طيووب .. بس حسيته مغازلجي شوي خخخخخخخ و انا الصراحة .. سايرته هع << ملل ملل .. خخخخخخخ

في منتدانا خخخخخخخخخ

منو اي عضووو هههههههههههههههه .> ملقوووفه هع

اقتباس:

المشاركة الأصلية كتبت بواسطة مغرورهـ [عزيزي الزائر يتوجب عليك التسجيل للمشاهدة الرابطللتسجيل اضغط هنا]


	[color="Black"][b][font="Tahoma"][color="Red"]دخلنا الصف ، كان علينا عربي الله يقطع ابله العربي على سوالفها اللي ما تخلص خخخخخخخخخخخ اول ما دخلت قالت لي اروح لسيارتها و اييب لاب توبها / رحت و يبته !! << الهبله طلعت ما اتعرف اتشغله خخخخخ .. يلست شعفور بما ان انا ماكان لي خلق .. و فتحت اللاب توب الا طلع مافيه جارج خخخخخخ و الجراجه ما تدري وينها !! خخخخخخ المهم .. كان درسنا اليوم قصيدة .. اسمها الطين لايليا ابو ماضي .. والابله مصرة الا تباني انشد يا عمي صوووووتي نشااااااااااااز نشاااااااااااااااااااااااااز !! بس مو راضية تصدق لأن مهسوم الحيوانة اتقولها ان صووتي حلو خخخخخخخخخخخ بعد عذاب و موت .. ما طعت قامت حدث و هي مستقويه .. اونها بتغني .. و نحنا ميتين من الضحك .. اذا صوتي انا كان نشااز .. فهي صوتها مصييييييييييييييييييييييبه !! هع .. بس المشكلة انها مصدقة عمرهاااااااااااااا و تتحرى صووتها واااايد حلو خخخخخ من قالت اول كلمة .. نقعنا من الضحككككك و هي تكمل .. و الابلة فرحاااااااااااااااااااااانة و نحنا هلكانين .. خخخخخخخخخخخخخخخخخ عقب قامت يوتي تنشد و هاي ولعنتيييييييييييين خخخخخخخخخخخخخ

هههههههههههههههههه حمااااااااااس حصتكم ابي احظرهااا هع

انتوا تدرسون قصايد ايليا ابو ماااضي احنا عطونا اياه من تلاميذ مدرسه المهجر هع
.> الفصل الاول هع

وبعدييييين حماااااااس يعطووونكم رياااضه هع هع

احنا عندناا اللي تركض في المدرسه هبببله والبنااات ما يسكتون عنهاا .. طول الوقت مصخره عليها هههههههههههههههههههههههههههههه

حركشاااااات يا مغرورهـ

تصدقييين انا بعد يومياااتي حلوووة بس اسلوبي في الكتااابه مو حلو مثلج هع

يعطيك العاااااااااااافيـــــــــة وبالانتظــــــــــااار اليديد

^.^

(( دانــــه )) · 21-02-2008, 07:24 PM

والله وناااااااااسه حصصكم ورياضه بعد

حنا حتى النشيد الوطني الوحده يالله تحرك شفايفها وعلى قولة خفوقه اللي

تجري في الساحه تصير هبله والله ودي اني معكم

و ياقلبي الله يعينكم على علقم وحركاتها وربي تقهر

بس ربي معك وهونيها وتهون

كالعاده بالإنتظار

الهنــووف · 22-02-2008, 01:30 PM

دلوعتــــي

بانتظااارج يا عمري

و يعدني تواصلج معاااي وااايد

..

خفووقتــي

خخخخخخخخ .. مادري يمكن خخخخخخ

استري عليه .. هعع

و الا اقولج .. تعالي الخاص بفضحه هع <<

،،
جيه انتوا ما يعطونكم رياااضة !!
خخخخ
احلفي بس اللي تركض هبلة هع

عيل نحن طول الوقت نركض بالمدرسة خخخخخ
مستحيل اتشوفيننا نمشي

و اذا مشينا .. نمشي شرات المعوقات ههههههههههههاي

يا عمــري عليــج هع
يلا قوليلي يوميااااتج .. وخليني اكتبها عنج هع

و يعافي قلبج يا عمري

..

داااانة

ياحبي لج
غريبة و الله .. معقولة ما عندكم ريااضة !!
و الركض جيه شو بلاه هع .. عاااااااااااااااااااااااااادي
الحيااااة حلوة

و الا هي مدرسة خخخخخ .. و ما نقدر انطلع حركات الخبال هاي الا في المدرسة

يمكن ما اتصدقووني .. بس نحن حتى المدرسات عادي اتشوفونهن يركضن خخخخخ

هيه و انتي الصاجه .. بس ربج ما يضرب بعصااا

و مشكوووره يا عمري على متابعتج

خفوق الـــروح · 22-02-2008, 04:56 PM

اقتباس:


	خفووقتــي خخخخخخخخ .. مادري يمكن خخخخخخ استري عليه .. هعع و الا اقولج .. تعالي الخاص بفضحه هع << ،، جيه انتوا ما يعطونكم رياااضة!! خخخخ احلفي بس اللي تركض هبلة هع عيل نحن طول الوقت نركض بالمدرسة خخخخخ مستحيل اتشوفيننا نمشي و اذا مشينا .. نمشي شرات المعوقات ههههههههههههاي يا عمــري عليــج هع يلا قوليلي يوميااااتج .. وخليني اكتبها عنج هع و يعافي قلبج يا عمري

ههههههههه حتى المدرسه هههههههههههههههههه

شان البنااات يمسخرووووونها هههههههههههههههههههه

حشى احناا بنات مدرستنا مثل عارضاات الازياااااااء هههههههههههههههههههههه

فديييييتج بالانتظاااااار يومياااتج

اقتباس:


	خخخخخخخخ .. مادري يمكن خخخخخخ استري عليه .. هعع و الا اقولج .. تعالي الخاص بفضحه هع <<

براسلج هههههههههههههههههههههههههههههه

يوميــاتــي ~*

مجلس القصص والروايات