وعظم الله اجركم يا مستشفى الامير سلمان

**AMAL** · 05-06-2008, 01:29 PM

(( بسم الله الرحمن الرحيم ))
# مع خالص التحيه لممرضات #
مستشفى العسكري
الحمادي
الحبيب
دلـه
وعظم الله اجركم يا مستشفى الامير سلمان << طراه مافيهن وحده تفتح النفس لذلك نصيحة لا تسمعون كلام الدكتورة/ عايشة المانع
زوم على .....
(( مستشفى العسكري ))
وهالمستشفى بالتحديد تحتاج يكون عندك لياقة بدينه

تفوق لياقة الحصان وان كان عندك لقاء مع الدكتور وتجديد، موعد ، وصيدلية .. لازم تجي وانت لابس كوتشات لان فيه مشي مو طبيعي وهذا سر عدم سمنة الممرضات اللي من يوم تشوفهن تحسهن عودان مكرونه طايحه من العلبة

مساكين الممرضات السعوديات

يمشون في العراء بين هالمباني والهوى يلعب في الغطوه ما تدري وش تمسك ووش تخلي

الروب والا النقاب وإلا كاس الكفي والعالم جالسه تقز

ومنهم واحد يقطع الشارع الا هو منوم في الاسعاف ما يدري انه مصدوم الا ثاني يوم ( والله يا فيه ناس تقز قز لو يحطونه قناص كان ضمنا طلعة اليهود من الديار العربيه )
تمشي وجنبها زميلتها تسولف معها والثانية شاريه موكا بارد من ( د . كيف ) تشرب فيه والشمس عموديه فوق راسها ومخها

متجمع في زاوية يدور ظل والسبة رجال وقح ماشي في الممر المضلل وهن في الشارع .. يمشون والهوى يلعب في نقاباتهم وخويتها متلويه على نفسها وهي تقول ( فوزيه ) وجهك طالع غطيه الله يفشلك

ما لقطتي شعر دقنك بالملقاط .. ترد عليها ( فوزيه ) تكفين اسكتي من بيشوف وجيهنا سنين وهذا وجهي الين ما جت الدكتورة الله يسلط عليها / عايشة المانع اللي بتخلينا نلقط غصب عننا وانتزين قبل ما يطلع قرار من الوزارة فحواه / يجب ان يكون وجه الممرضة جميلا حتى يتشافى المريض بسرعة .. تضحك

خويتها وهي ترد اسمحي لي ما ضنيت ورى وجهك شفى إلا كان حي الشفا ممكن
= زوم في نفس المستشفى =
ولد يتمسمس وجل وحركات

وكل يوم يسبح وراتبه كله ضايع على الشامبوات والكريمات ومسوي تقويم ومن زين خشته يضحك وحاط فرشاة التقويم في جيب الروب اللي قدام اسم اني افرش كل يوم ومحافظ على اسناني يوقفه زميله ( راشد ) دريت سمعت أن الممرضات السعوديات بيفتشون يعني بنعرف نختار

مهوب نمثل الحب ونتوهق ثمن بعد سنه من القردنة تفتش لك في مكان صاد وتتمنى في هذيك اللحظة يطبون عليك المجلس التأديبي ويفصلونك ولا تشوف وجهها ..
يبتسم خويه وهو يقول تكلم عن نفسك انت عارف ( هدى ) قمر

تشوف عروق يديها من بياضها يقاطعة ( راشد ) بس عيونها كنها بنت وحده من هالفلبينيات هقوتك مقطرين في عيونها شاهي فيه سكر ونشف السكر وانمطت عيونها .. لا تضيع وقتي ابروح اشوفها وابيك تروح تغطي عني في القسم ان سألك المدير قله أن جوالي طايح في قاع المسبح ورايح اجيبه

( ياشين بعض التصاريف خصوصا ان كان بالك مشغول في شي ثاني )
يروح ويخلي ( راشد ) لحاله فاق خشتة

كنه طير ابو وبران يناظر فيه وهو يمشي ويسلم على الصبايا اللي في الكونتر وتمر ممرضتين يضحكون

ويغمزون على خشة

( راشد ) اللي انقلب تمثال وفي نفس الوقت جايه ممرضه مطوعه تقول عمى ان شاء الله

يا جعل الكعب ينكسر فيك ويطيح بك ويصفق راسك في الكونتر وينقسم نصفين مثل الجحه يوم تطيح من حوض الددسن ( زين خلصت الدعوة قبل نهاية الدوام )
يا مستشفى العسكري مالكم نية تجيبون واير كبير وتربطون المباني في بعض وتشدونها بقوة الين تقرب وتفكونا من المشي

اللي ماله سنع والا اصرفوا لنا عند بوابة الدخول عصار المشق ( التسلخ )
= زوم في مستشفى الحبيب ودلة =
صوت كعب تك تك تك شوي يوقف الكعب ثمن تلتفت صاحبة الكعب للكونتر وهي تقول وش مجلسك هنا يا ( سديم ) تجي الكاميرا على وجه سديم ولأول مره في التاريخ مشق في العيون

سديم / جالسه اشوف خالد اليوم مكشخ ورايح جاي عند الممرضة الجديدة اللي اسمها (جوري ) ومن زين خشته يضحك

على جنب اسم انه دلع وأني ولد ذوات ( متعوب على ولد ذوات ) واللي يزيد الطين بله انها مبسوطه معه ويا جسمها هالثبعان اللي ما يحمل من الأنوثه الا النقاب اللي لابسته بس
تهديها خويتها وهي تقول وسعي صدرك عطيني الشحاطه حقتك الكعب عور رجلي وإلا أقولك خل ابجلس التنوره ضيقه الله ياخذ عمرها تفشلت مع الدكتور قبل شوي يطالع

.. ناظرتها سديم وهي تفصخ جزمتها بتهوي رجلها من يوم طلعت رجلها توفى الكونتر وشاشة الكمبيوتر شوشت من ريحة الشراب وخويتها قامت تزحف تبي تضغط جرس طفاي الحريق تحسب انه تسرب اشعاعات سامة من المختبر و( سديم ) ما حست باللي صاير كله
وهي تقول احمدي ربك فيه احد يطالعك مهوب أنا اللي ناشبه لدكتور التجميل ( طوني ) ابيه يسوي لي شفط دهون وكل مره يتهرب الين آخر شي صكها في وجهي

وقالي أنا على بال ما اخلص من شفط دهونك يكون عقدي في المستشفى انتهى ما أقول الا الحمد الله ان علينا نقابات والا لو يجي قرار بشيل النقاب بيصرفون لنا لبس ازرق مع عمال النظافة ويركبونا في الدينه حقتهم ما يفكنا من الجوازات الا بطاقة التمريض
(( زوم على فتاة ))
مراجعه لابسه مخصر وحركات

كنها غصن لبان تثنى على مكيفات المستشفى تتعبث بجوالها اثنين شافوها الاول ماسك خويه تعبان ما يقدر يوقف على حيله يوم شافها ترك خويه وطاح على الأرض وشغل البلوتوث وهو يردد يا خوي هذي مهيب طبيعية شكلها مهوب شكل مريضه واضح انها كاش خل ابرسل لها رقمي بلوتوث ويبحث والسيب مليان حريم ويطلع عشرين شخص مسجلين ارقامهم في مسمى البلوتوث من الفرحه قال لخويه ارسل لهم كلهم المهم اختار رقم وقام يرسل له شوي شاف شايب تعبث في جواله وطلع ارسال عنده يوم شاف الشايب الغى ارسال المعلومات وهو يطلع لسانه بقرف وبحث ثاني مره وطلع نفس العدد التفت يمين لقا نفسه واقف عند استراحة رجال ( والله من شين الحظ صارو كلهم حاطين ارقامهم هذا وهم مرضى اجل لو بصحتهم وش بيسوون )
= زوم لأثنين يتساسرون في مستشفى الأمير سلمان =
الأول يقول للثاني دريت الإدارة بتوحد دورات المياه حقت النساء والرجال يتعجب الثاني

وهو يقول ليش وش السبب .. يقولون ان الحريم والرجال يتشابهون ( شيون ) عشان كذا بياخذون دورات المياه النسائية ويحطونها مكاتب تخبر على كبر المكان فيه أزمة مكاتب لو عندنا موظفة زينه على الأقل يستاهل ان الواحد يداوم يشوف وجه حسن مهوب يشوف وجيه تذكره بالقبور الوحدة ما تدري هي لابسه نقاب والا شايلته كله نفس الشي سواد في سواد
( كني ابنجلد )

(( كلمة حق ))
يا جماعة ترى الكلام اللي فوق الهدف منه ضحك وساعة صدر وإلا والله كلهم فيهم الخير والبركة وانتم تؤدون رسالة عظيمة وفعلا تشكرون على جهودكم في أي قطاع داخل المستشفى سواء شباب وإلا بنات
(( الختام ))
يا دكتورة عايشه رفقا بالقوارير

ورفقا بنا قبلهن لقد أصبح الواحد منا منذ أن يدخل المستشفى يشتري علبة مناديل كي ينشف العرق من هول المشاهد المثيرة التي نراها
يسرن بعضهن بالنقاب وهن يضعن الميك أب وكحل ومحدد ومسكره وظل على نفس درجة لون الروب ومنهن تضع ظل على لون شعار وزارة الصحة الأخضر فما بالك عندما يزال النقاب ماذا سيحدث ؟؟ وماذا ستضع حتى تخرج في أبهى حلة وتتفوق على أقرانها اللواتي سيتنافسن على ألا تكون أي واحدة منهن الأخيرة في الاهتمام في نفسها ومن الضحية ؟؟
لا نريد أن تتحول مستشفياتنا إلى كبريهات ولا أعم في كلامي على الكل ولا أستثني البقية المتبقية وإنما أطالب بعدم خلع النقاب لأن هناك ممرضات تصرف على منزلها المكون من عائلة لأب مقعد ولأخوات مطلقات ومنهن من لا تستفيد حتى من رواتبها فلا تجعلي هذا القرار سببا في قطع رزق الكثير ومرتعاً خصباً للدعاء عليك فأبن آدم بذنوبه لا يضمن أن يتخطى خط النار فيكفي إن حمل ذنوب غيره فوق ذنوبه حتما سيثقل كاهله وتغرس قدماه في الأرض
فيا عائشة
أنت مسيرة ضمن مؤامرة
فكفاك نضالاً ومكابرة
حتى وإن شدت المشاجرة
تضلين في النهاية كيان امرأة
تشعر ببني جنسها عندما يصاب بغصة
فلا تكوني انت الغصة التي يصاب بها
احذري أن تضعي في ذمتك كل هؤلاء النساء
اللي يبغى يعرف وش قصة عائشة المانع يسمع المقطع الصوتي الذي سجل في اجتماع مع موظفات المستشفى تجبرهم على الكشف وخلع الحجاب ولا حول ولا قوة الا بالله
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

وصلنى عبر الايميل فنقلته كما هو

**^^ فــارس ^^** · 05-06-2008, 06:34 PM

الصراحه ما قرأنه وسمعناه حول هذا الموضوع

مصيبه

وان لم يتحرك المسؤولين

فالمخطئ سوف يتمادى ألى ماهو أكبر من هذا

الله المستعان

**الفتآهـ السآمه** · 06-06-2008, 04:15 PM

والله اني تونست على الموضوع الخطير الله يسعدك

بس من جد أعوذ بالله حرآم عليهآآ ذنبهم برقبتهآآ يوم القيآمه

الله يهديهآ بس

ثآنكس يآ حلوهـ

**εïз ملآک الروح εïз** · 06-06-2008, 06:36 PM

ياربي والله حراامـ اللي يسوونه ..

الله المعين وحده ..

يسلموو خيتوو ع طرحكـ ..

**AMAL** · 08-06-2008, 08:53 PM

^^ فــارس ^^

أهلين أخوى فعلآ مصيبه أن لم يكن هناك مبادره قويه

أسعدنى مرورك

الفتآهـ السآمه ياهلا بالفتاه العسل أهم شئ تونستى الله يونسك دوم

شكرآ على المرور

•.•. ملاك الروح .•.•

الله يسلمك أختى من كل شر

أنتظر طلتكم الحلوه فى مواضيعى

المجنون · 10-06-2008, 05:52 PM

مشكووره على الموضوع الراائع

**AMAL** · 24-06-2008, 08:21 PM

كليـ شقاوهـ · 08-08-2008, 01:57 AM

يؤؤؤ

يسلمووو على الموضووع لا هنتي يالغلا

&نور القمر& · 11-08-2008, 05:11 PM

يسلمو على الموضوع

	سيظهر الرقم السري لمفتاح الهدية التشجيعية هنا !	يجب أن تكون الزائر رقم 1000 للموقع. يجب أن تكون عدد مشاركاتك أكثر من 1 مشاركة. يجب أن يمر على تسجيلك في الموقع 1 يوم.
	شارك معنا واربح رسائل اس ام اس	عند كتابة عدد 10 مواضيح تحصل على 4 رسالة جوال مجانية. عند كتابة عدد 21 ردود تحصل على 2 رسالة جوال مجانية. يجب ان تكتب 10 مواضيع أو 21 ردود لتفوز معنا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحمها الله تعالى ,,اعظم الله اجركم,,‎	AMAL	مجلس القصص والروايات	4	27-05-2008 12:28 AM
بقرار من الامير سلمان كيتا في الباي باي	DEL PIERO	مجلس الرياضة والشباب	3	15-05-2008 05:12 PM
الامير سلمان بن عبدالعزيز يرعى حفل اسطورة آسيا الاول .. + تفآصيل المؤتمر	DEL PIERO	مجلس الرياضة والشباب	6	10-05-2008 03:17 AM
الأمير سلمان يوقع عقد تنفيذ المرحلة الأولى من تطوير طريق الملك عبد الله بتكلفة.....	الغيـــــور	مجلس المواضيع العامه	12	25-06-2007 12:21 PM
حريق سياره عند مركز الامير سلمان الاجتماعي امس	مشــاعر	مجلس الصوتيات والمرئيات	12	13-07-2006 08:09 PM

التسجيل السريع مُتاح
عزيزي الزائر . المنتدى مفتوح للزوار في حالة رغبتك في الانضمام لنا تستطيع ذلك عبر التسجيل لدينا .. دمتم اسم المستخدم: كلمة المرور: تأكيد كلمة المرور: البريد الالكتروني: تأكيد البريد: موافق على شروط المنتدى

الذين يشاهدون محتوى الموضوع الآن : 1 ( الأعضاء 0 والزوار 1)

.::فعاليات المجالس::.